Аргентиналик футболчи Лионель Месси “ПСЖ” сафида Франция чемпионига айланди.
Бу 35 ёшли футболчи учун футболчилик фаолиятидаги 43-соврин бўлди. Бунга қадар ҳужумчи Париж клуби сафида яна битта Лига 1 бош соврини ва мамлакат Суперкубогига эга чиққанди.
“Барселона” таркибида эса 10 марта Ла Лига, 4 бор Чемпионлар Лигаси, 8 марта Испания Суперкубоги, 7 бор мамлакат кубоги, шунингдек. Уч мартадан клублар ўртасидаги Жаҳон чемпионати ва Европа Суперкубогида ғалаба қозонган.
Лео Аргентина сафида Жаҳон Чемпионати, Америка Кубоги ва Финалиссимада ғолиб чиққан. Шунингдек, унинг ҳисобида ёшлар ўртасидаги Жаҳон чемпионати ва Олимпиада бош совринлари ҳам бор.
Месси Европа топ-5 лигаларидаги 496-голини урди ва бу борада Криштиану Роналдунинг (495) рекордини янгилади. Аргентиналик футболчи бу натижага 577 ўйинда эришган бўлса, Португалия вакили 626 ўйинда шунча гол урган.
Месси Лига 1 жорий мавсумида 16 та гол урди ва 16 та голли узатма амалга оширди.
Изоҳ (0)