UFC’нинг ўрта вазн тоифасида (-84 кг) жанг қилувчи, ҳали мағлубият нималигини билмай келаётган 31 ёшли чеченистонлик аралаш жанг санъати устаси Ҳамзат Чимаев промоушен тарихидаги энг кучли ҳамда умуман мағлуб бўлмаган 5 та жангчи кимлигини айтди.
Чимаев тузган рўйхатдан америкалик, канадалик ва доғистонлик спортчилар жой олди:
Уларнинг ўтказган жанглари ва қанча вақт юқори ўринларни эгаллаб турганига қараб айтадиган бўлсам, Жон Жонс, Жорж Сен-Пьер, Ҳабиб Нурмагомедов ва Би-Жей Пен. Ҳозирги жангчилар орасидан Ислом Махачевни ҳам шу рўйхатга қўшган бўлар эдим. У аллақачон ўзини нималарга қодир эканлигини барчага исботлади. Энди эса иккинчи вазн тоифасида чемпионликни қўлга киритиш учун ҳаракат қилмоқда, — деди Чимаев UFC матбуот хизматига берган интервьюсида.
Маълумот учун, Ҳамзат ўзининг сўнгги жангини 26-октябрь куни Абу-Даби (БАА)да ўтказилган UFC 308 турнирида ўтказди. У собиқ ўрта вазн чемпиони, австралиялик Роберт Уиттакер билан жанг қилиб, биринчи раунддаёқ бўғиш усули билан ғалаба қозонган эди.
Изоҳ (0)