УЕФА Суперкубоги баҳсида Европа Чемпионлар Лигаси ғолиби ҳисобланган “ПСЖ” ҳамда Европа Лигаси чемпиони “Тоттенҳэм” жамоалари ўзаро куч синашди. Удине (Италия) шаҳридаги “Blueэнергй” стадионида ўтган учрашувнинг асосий вақти 2:2 ҳисобидаги дуранг билан якунланди. Пенальтилар сериясида эса француз клуби 4:3 ҳисобида ғалаба қозониб, бош совринга эга чиқди.
Ўйин жуда қизиқарли бошланди. Ҳар икки жамоа ҳам навбатма-навбат рақиб дарвозаси олдида хавфли ҳужум уюштирди. 39-дақиқага келиб Микки ван де Вен “шпорлар”ни ҳисобда олдинга олиб чиқди. 48-дақиқада Кристиан Ромеро орадаги фарқни иккитага ошириб қўйди.
Ўйин якуни арафасида “ПСЖ” ҳисобни тенглаштиришни уддалади. Дастлаб, 85-дақиқада Ли Канг Ин фарқни биттага қисқартирган бўлса, 90+4-дақиқада Гонсалу Рамуш жамоасининг ўйиндаги иккинчи голи муаллифига айланди.
Ўйин ғолибини аниқлаш учун пенальтилар сериясига мурожаат қилинди ва унда “ПСЖ” футболчилари аниқроқ ҳаракат қилиб, Суперкубокни қўлга киритди.
УЕФА Суперкубоги
13 август, чоршанба
“ПСЖ” — “Тоттенҳэм” 2:2 (пенальтилар серияси — 4:3)
Голлар: 0:1 — Микки ван де Вен (39), 0:2 — Ромеро (48), 1:2 — Ли Канг Ин (85), 2:2 — Рамуш (90+4)
Изоҳ (0)