Сўнгги йилларда “Барселона” сафида бир ёш юлдуз пайдо бўлдики, у жамоадаги масъулиятни бемалол ўз бўйнига олмоқда. У тушмаган ўйинларда “кўк-анорранглилар” баъзи қийинчиликларга учрамоқда. Қуйида ўша футболчи — Ламин Ямал ҳақида сўз боради.
Ямалнинг айтишича, болалигида унинг кумири Месси эмас, балки Неймар бўлган. Испаниялик футболчининг севимли ўйинчилари рўйхатида “Барселона”нинг собиқ вингери Леодан юқорида туради. Месси номинал жиҳатдан кучлигигини Ламин таъкидласа-да, бразилиялик ўйинчининг услубига мафтун бўлган. Неймарни илк бор Ламин беш ёшида “Сантос”да кўрган. Жуниор кўплаб моҳирона усуллардан фойдаланиб, енгил ўйнаган. “Барселона”да қанот ҳужумчисига қаттиқ чекловлар қўйилмаганди. Ламин 7 ёшида Неймарни биринчи марта “Камп Ноу”да жонли ўйинини томоша қилган. Ва ўшанда унинг ўрнида бўлиб қолишни хоҳлаётганини тушунган.
Футбол ҳақида гап кетганда, Неймар янги авлод учун ажойиб намуна бўлганини тан олиш лозим. Енгиллик, тезлик, эпчиллик, шафқатсизлик — “Сантос”да Жуниор 225 та ўйинда 200 та голга муаллифлик қилган. Унинг атрофида Инеста, Хави, Суарес ва Месси каби юлдузлар бўлмаган. Бразилиялик “Сантос”нинг ҳаракатлантирувчи кучи бўлиб, усиз жамоа қуйи лигага тушиб кетиши тайин эди. Неймарни Пелега қиёслашарди. Ҳужумнинг барча чизиғи бўйлаб ҳаракат қилган қанот вингерининг ўша кўриниши Ямални эслатарди. Ламин нима учун ўз болалигидаги қаҳрамонни ва билвосита устозини ажратиб кўрсатаётгани тушунарли.
Неймардан чиройли футбол ўйнашни ўрганиш мумкин, аммо унинг карьераси қандай йўл тутмаслик кераклигига мисол бўлади. Ямал “ПСЖ”га 250 миллион евро эвазига ўтиш учун шошилмайди Гарчи Парижда унга жуда катта маош таклиф қилиб, Мбаппе каби эъзозлаш ваъда қилинса ҳам. Ламин “Барселона”да қолишни хоҳлаётганини таъкидламоқда. Аммо “ғалати” президент Бартомеу ҳукмронлиги даврида пайдо бўлган улкан қарзлар президент Лапорта раҳбарлигидаги клубни жарлик ёқасига етакламоқда. Эҳтимол, каталонияликлар банкротлик эълон қилмаслик учун асосий истеъдодларни сотиш масаласини кўриб чиқишларига тўғри келар.
17 ёшли Ямал ўзи тушунмайдиган нарсалар билан бошини қотириб ўтирмасликка ҳаракат қилади. Унинг вазифаси “Барселона”га майдонда омон қолишга ёрдам бериш. Испания Суперкубоги ярим финалидан ўрин олган “Атлетик”ка қарши ўйинда Педри Балдега тўпни оширди, Алехандро эса жароҳатидан энди қутулган Гавига гол уриши учун ассистни амалга оширди. Каталония клуби ёшлари Европа чемпиони Симон дарвозасига муҳим тўп киритиш йўлини топди. Иккинчи гол ҳам “Ла Масия” тарбияланувчилари гарданига тушди. Гавининг ажойиб узатмасидан сўнг Ямал тўпни ўзига бўйсундириб, дарвозани ишғол этди. Финалда эса азалий рақиб “Реал” 5:2 ҳисобида таслим этилди. 22-дақиқада Ламин ажойиб рейд билан дарвозани ишғол этиб, ўз ҳисобига гол ёздириб ҳам қўйди.
Ямал доимо эътибор марказида бўлавермайди. Уни ўнг қанотдаги Кунденинг фаоллиги унга бўлган босимни пасайтиради. Жюл “Барселона”нинг энг яхши ўйинларида Дани Алвесга ўхшаб ҳаракат қилади. Афсонанинг футбол усулларини ўрганиш мумкин, аммо бразилияликнинг майдондан ташқаридаги хатоларини такрорлаш эса ярамайди. Алвес жинсий зўравонлик учун қамоқда ўтириб чиқди. Кунде ундай шов-шувли воқеаларга аралашмайди. Ямал ёрдам учун шеригидан миннатдор бўлиши керак. Месси Алвес келгач янада ривожланган, ундан олдин эса Лионелни камроқ иқтидорли бўлган ўнг қанот ҳимоячилари қўриқларди. Ямалга эса омад кулиб боқди.
Месси ЭтўО ва Роналдиньодан улкан ёрдам учун миннатдор бўлган. Ямалнинг Левандовски ва Рафиньяси бор. Охир-оқибат, Гвардиола камерунлик ва бразилиялик футболчиларни қўйиб юборади, чунки Динё Деку билан биргаликда кўпинча ичкиликбозлик қилишган. Хосеп эса улар Мессини ҳам тунги клубга олиб кетиб, ёш истеъдоднинг фаолиятини барбод қилишларидан қўрқарди. Флик хавотирланмаслиги мумкин. Рафинья ҳам, Левандовски ҳам ичмайди. Энг ёмон ҳолатда поляк Ямалга рақсга тушишни ўргатиши мумкин. Ламин учун ривожланишга ажойиб шароит яратилган.
Ямал “Барселона”да ўзини кўрсата оляпти, аммо Педри, Гави ва Ольмо унга дунёнинг энг яхши ёш футболчиси бўлишига ёрдам беришди. Ламин жуда яхши ва бу унинг фаолияти учун хавфли. Месси хотиржамлик билан юқорилаган ва кўп мавсумлар давомида ўзини ўта юқори даражадаги формасида бўла олган.
Ямал эса фаолиятида бўлиши мумкин бўлган паст-баландликларга тайёр бўлиши лозим. Асосийси, бразилиялик Роналдо каби жароҳатлар гирдобига тушиб қолмаслиги керак. Ламин футбол олами кўз ўнгида ўсиб бормоқда. Баъзида янада узоқроққа бориш учун секинлашиш ҳам зарар қилмайди.
“Барселона” Чемпионлар Лигаси плей-оффига муваффақиятли чиқиб олди. Ҳозир жамоа умумий жадвалда “Ливерпуль”дан кейин иккинчи ўринда бормоқда. “Монако”га мағлуб бўлди, қолган 6 та ўйинда ғалаба қозонди. “Бавария”дек жамоани тор-мор этди. 7-турда драматик кечган ўйинда “Бенфика”ни мағлубиятга учратди. Умумий 26 та гол урди — ҳатто “Селтик”ка қарши баҳсда 7 та гол урган “Боруссия”дан ҳам кўпроқ. Испания чемпионатида эса муаммолар бордек. Бир қатор хатолардан сўнг, жамоа “Реал” (46 очко) ва “Атлетико”ни (44 очко) олдинга ўтказиб юбориб, 39 очко билан 3-ўринда бормоқда.
Ямалнинг асабийлашганини кўрмаймиз. Афтидан, у “Байер” футболчиси Вирц сингари трибуна босимини сезмайди, ҳимоячиларнинг провокацияларига берилмайди. Ҳимоячилар Ламинга нисбатан қаттиқроқ ўйнашади, бу борада эса футболчи техникасини ривожлантириши лозим.
Ямал 2025 йилда самарадорлигини оширишни асосий мақсади деб билишини таъкидлади. У жамоасининг Ла Лига ва Чемпионлар Лигасида ғалаба қозониши учун қўлидан келган барча ишни қилмоқчи. Бизнинг кўз олдимизда эса яқин 10 йилликнинг етакчи футболчиларидан бири порлаб чиқмоқда.
Изоҳ (0)