Бир неча кун аввал Ламин Ямалнинг отаси ижтимоий тармоқларда сурат жойлади: ҳали олти ойлик ҳам бўлмаган Ламинни Лионель Месси чўмилтирмоқда.
Ҳаммани ўйлантирган савол — бу сурат сохта эмасми? Аммо йўқ, бу ҳақиқатан ҳам 2007 йилда содир бўлган.
Хайриявий тасвирга олиш. Бу қандай содир бўлди?
2007 йил декабрь ойида Жоан Монтфорт ушбу фотосуратни олди. У The Athletic нашрига шундай деди: “Бу суратни тушириш жуда қийин бўлди. Мен буни амалга ошириш учун жуда кўп ҳаракат қилдим”.
Бу “Барселона” ва Диарио Спорт ўртасидаги хайрия лойиҳаси учун суратга олиш жараёнида содир бўлган: сурат 2008 йил тақвимида чоп этилган, тушган маблағ эса Каталониядаги хайрия ташкилотлари ва UNICEFъга тарқатилган.
“Барселона” вакиллари болалар билан суратга тушди — ҳар ой тақвим учун 12 нафар футболчи рўйхатда бор эди. Месси чақалоқ Ямални олди.
Монтфорт шундай эслади: “Месси ҳозир тортинчоқ, лекин ўша пайтда ҳозиргиданда уятчан эди. У пластик ваннадаги бола ва онасининг ёнига борди. Аввалига ҳеч қандай реакция билдирмади, лекин кейин аста-секин жараён ўхшай бошлади”.Онасининг борлиги Ламинга ўзини ишончли ҳис қилишга ёрдам берди.
Бундай суратлардан камида учта бор: уларнинг иккитасида Месси Ямалнинг ёнида, яна бирида эса уни қўлларида ушлаб тургани тасвирланган.
Бу ақл бовар қилмайдиган ҳолат, дейди Монтфорт. Ўшанда бу боланинг ким бўлишини ҳеч ким тасаввур қила олмасди. Месси ҳам охир-оқибат дунёнинг энг буюк футболчилардан бирига айланди.
У ҳар бир иштирокчи оилага фотосуратлар беришга ҳаракат қилди. “Футболчига унчалик аҳамият бўлмаслиги мумкин, аммо ота-оналар жуда хурсанд. Улар Барселонадан 40 км узоқликда яшаган. Ҳамма ҳам кичкина боласи билан бунчалик узоққа келишга рози бўлмайди.
Ямал туғилганда Месси аллақачон Испания чемпиони ва Чемпионлар Лигаси ғолиби бўлган.
Ямал 2007 йил 13 июлда туғилган. Ўша пайтда у беш ойлик бўлган. Месси ўша он “Барса”нинг катталар жамоасида тўртинчи мавсумини ўтказаётган эди. Бу вақтга келиб у икки марта Ла Лига ва яна бир бор Чемпионлар Лигасида ғалаба қозонди.
“Барселона” янги 2008 йилга “Реал Мадрид”дан 7 очко фарқ билан ўтди. Мавсум охирида бу фарқ 18 тага етди. Шу билан бирга, “Барселона” Чемпионлар Лигаси ярим финалида “Манчестер Юнайтед”га мағлуб бўлди ва Москвадаги финалга бора олмади. Месси бу турнирларда жамоаси учун тер тўкаётганда, Ямал ўзининг биринчи туғилган кунини нишонлашга ҳозирлик кўраётганди.
Ламин етти ёшида “Барселона” академиясига ўқишга кирди. Бу вақтга келиб Месси аллақачон Испаниянинг олти карра чемпионига айланган, учта Чемпионлар Лигасида ғолиб чиққан, бир мавсумда 73 та гол урган ва тўртта “Олтин тўп”ни қўлга киритган эди.
Ямал 12 ёшга тўлганида, Marca у ҳақида алоҳида мақолада ёзган: журналистлар уни Мессининг нусхаси деб ҳисоблашган, уни академиянинг энг яхши футболчиси деб билган ва клуб уни бир неча йилдан кейин сақлаб қоладими, деган саволга қизиқиш билдирган. Месси ўшанда бир мавсумда 40-50 гол уришда давом этган ва олтита “Олтин тўп”ни қўлга киритди.
Эндигина 15 ёшга кирган Ямални Хави асосий жамоа билан машғулотларга таклиф қилди. Ўша пайтда Месси “ПСЖ”даги иккинчи мавсумини бошлаган эди. Ва у Ямал 15 ёшида “Барса”да дебют қилган пайтда Франциядаги фаолиятини тугатди.
Ламин бош жамоада дебют қилганида, Чемпионлар Лигасида ўйнашни бошлаганида, биринчи голини урганда Месси MLSга, “Интер Майами”да фаолият олиб бораётган эди.
Ямал Мессини ўзининг идеали деб атайди, Лео Ямалнинг Ла Масиадаги голларидан ҳайратда қолган
Ямал, эҳтимол, Месси ҳақидаги саволлардан чарчаган. Сабаби ёш футболчи муваффақиятли ҳар бир ўйиндан сўнг у ҳақда тўхталиб ўтишига тўғри келади. 2023 йилнинг декабрь ойида у шундай деган эди: “Месси менинг кумирим. Доим шундай бўлган. У менга илҳом беради. Лео Мессидек бошқа футболчи бўлмайди”.
Мураббийлар футболчини Месси билан таққослашда эҳтиёт бўлиш кераклигини таъкидлайди.
Мисол учун, Хави шундай деди: “Месси билан солиштириш ёмон таъсир қилиши мумкин. Ҳа эпизодларда, чап қанотдан марказга киради. Чап оёқда ўйнаши, техникаси Леони эслатади. Аммо солиштирмаслик яхшироқ”.
Бу эса Барселона академиясининг собиқ директори Аурели Алтимиранинг сўзлари:
У Лео эмас, лекин Ямал унга жуда яқин. Агар у дарвозага ўн марта зарба берса, тўққизта ҳолатда тўп устунлар орасидан ўтади. У жарима майдончасида хотиржам ҳаракат қилади. У 18 ва 19 ёшли футболчилар қилмаган ишларни қилади. У табиий истеъдодга эга.
Месси Ямал тимсолида “Олтин тўп” учун кураша оладиган футболчини кўрмоқда.
Ламин Ямал ҳали жуда ёш, лекин “Барселона”да жуда яхши ўйнаяпти ва муҳим ўйинчига айланди.
Одамлар Ламинни яқиндан таний бошлади, лекин мен уни олти йилдан бери “Ла Масия”да “Реал”га қарши ўйнаб, учта гол урган пайтдан биламан. Унинг голлари мени ҳам ҳайратда қолдирди.
Маълумот учун, 9 июль куни бўлиб ўтган Испания—Франция учрашувида Ламин Ямал узоқдан зарба йўллаб ажойиб гол урди ва ўйиннинг энг яхши ўйинчиси сифатида эътироф этилди.
Изоҳ (0)