Хонанда Шакира ва “Барселона”нинг собиқ футболчиси Жерар Пикенинг фарзандлари — 12 ёшли Милан ва 10 ёшли Саша “Тhе Оnе” деб номланган ўзларининг биринчи қўшиғини тақдим этишди деб хабар бермоқда “Закон.кз”.
Мазкур трек ёш истеъдодларни қўллаб-қувватлаш фонди томонидан чиқарилган альбомга киритилган. Унда Саша қўшиқ ижрочиси сифатида қатнашган, Милан эса барабан чалган.
Маълумот учун, Шакира 1977 йил 2 февралда Колумбияда туғилган лотин америкалик энг машҳур қўшиқчилар ва мусиқачилардан биридир. Унинг мусиқий фаолияти поп, рок, латино ва араб услубларини ўзида уйғунлаштирган.
Шакира ва Жерар Пике 2010 йилда машҳур “Wаkа Wаkа (Тhis time for Аfricа)” қўшиғининг клипи суратга олинаётганида танишишган. Собиқ севишганлар бир кунда, 10 йил фарқ билан туғилган. 2011 йилда улар муносабатларини оммага эълон қилишган. Орадан икки йил ўтиб, жуфтликнинг тўнғич фарзанди Милан туғилган, яна икки йилдан сўнг эса иккинчи ўғил Саша дунёга келган. Узоқ муддатли муносабатларга қарамай, улар расмий никоҳда бўлмаган.
2022 йил июнь ойида Шакира фарзандлари отасининг хиёнати туфайли уни тарк этган. Ажралишдан сўнг улар ўғиллари устидан васийлик масаласида келишувга эришишган ва болалар онаси билан қолган.
Изоҳ (0)