“Манчестер Сити” ҳужумчиси Эрлинг Ҳоланд келажакда Испанияда ўйнашни режалаштирмоқда. Аввалроқ унинг номини Ла Лиганинг икки гранди — “Реал” ва “Барселона” билан боғлашган эди. Эл Наcионал нашри хабарига кўра, норвегиялик юлдуз “Реал” вариантига рад жавобини берган.
Ҳоланднинг бу қарори молиявий сабабга эмас, рақобат билан боғлиқ. У “Реал Мадрид” сафида Винисиус Жуниор ва Килиан Мбаппе бор экан, асосий таркибга кира олишига шубҳа қилмоқда. Шу сабабли, у мадридликлар билан яқин келажакда шартнома имзолаш ниятида эмас.
Аммо “Барселона” Ҳоланд учун яхши вариант сифатида кўрилмоқда. Эрлинг бу жамоанинг етакчиларидан бирига айланиб, нималарга қодир эканлигини исботлашни истамоқда. Манбага кўра, ҳужумчининг Каталония клубига трансфери 2026 йил ёзида рўй бериши мумкин.
Аввалроқ ОАВда “кўк-анорранглилар” президенти Жоан Лапорта Ҳоланднинг трансфер қилишни истаётгани ва бу учун ҳаракат бошлагани ҳақида хабарлар тарқалган эди. Агар каталонияликлар буни амалга оширишни истаса, шу вақтгача молиявий барқарорликка эришиши ҳамда тахминан 175 миллион евро миқдоридаги маблағини тайёрлаши лозим бўлади. Акс ҳолда “шаҳарликлар” билан келиша олмаслиги мумкин.
Изоҳ (0)