Футбол бўйича Испания Ла Лигасининг 29-туридан ўрин олган қатор учрашувлар 20 март, якшанба куни бўлиб ўтди.
Турнинг марказий ўйини «Реал» ва «Барселона» жамоалари ўртасида кечди. Учрашувнинг 29-дақиқасида Пьер-Эмерик Обамеянг каталонларни олдинга олиб чиқди. 38-дақиқада Роналд Араухо меҳмонларнинг иккинчи голини урди.
Иккинчи бўлим дебютида «Барселона» яна икки бор мадридликлар дарвозасини ишғол қилди: Ферран Торрес Обамеянгнинг узатмасини голга айлантирган бўлса, орадан бир неча дақиқа ўтиб, габонлик футболчи дубль қайд этди. Қолган вақтда ҳисоб ўзгаришсиз қолди.
«Барселона» ушбу ғалабадан кейин очколарини 54 тага етказиб олди ва учинчи ўринда бормоқда. «Реал» 66 очко билан пешқадамликда давом этмоқда.
Ла Лига мусобақа жадвали, ўйинлар тақвими ва тўпурарлар рўйхати шу ерда — кўриш.
Ла Лига
29-тур баҳслари
20 март, якшанба
«Реал Мадрид» — «Барселона» 0:4
Голлар: 0:1 – 29 Обамеянг, 0:2 – 38 Араухо, 0:3 – 47 Ферран Торрес, 0:4 – 51 Обамеянг.«Реал Мадрид»: Куртуа, Карвахаль (Мариано Диас, 46), Алаба, Милитао, Начо (Васкес, 63), Модрич, Кроос (Камавинга, 46), Каземиро, Вальверде, Родриго (Асенсио, 63), Винисиус Жуниор.
«Барселона»: тер Штеген, Араухо, Пике, Эрик Гарсия, Альба (Дани Алвес, 86), Бускетс, де Йонг (Гави, 71), Педри (Нико Гонсалес, 86), Обамеянг (Депай, 71), Дембеле (Траоре, 80), Ферран Торрес.
Огоҳлантиришлар: Кроос (22), де Йонг (26), Бускетс (31), Модрич (63), Альба (74), Камавинга (82), Васкес (88), Нико Гонсалес (88).
Изоҳ (0)