“Барселона” футбол клуби “Реал Мадрид”га қарши навбатдаги “Эл-Класико” учрашувида жамоа футболкаларига америкалик машҳур қўшиқчи Тейлор Свифтнинг логотипини жойлаштиришни режалаштирмоқда.
РАC1 нашрининг хабарига кўра, томонлар ҳали расмий шартнома имзоламаган, аммо музокаралар сўнгги босқичга етиб келган.
Аввалроқ клубнинг Spotify билан ҳамкорлиги доирасида “кўк-анорранглилар” либосида Coldplay, Тҳе Rolling Stoneс ва Драке логотиплари жойлаштирилган эди.
Бироқ, ушбу қарор клуб мухлислари орасида норозиликка сабаб бўлмоқда. Сабаби, Свифт яқинда “Реал”нинг уй стадиони “Сантяго Бернабеу” концерт бериб, клубга 9 миллион евродан ортиқ даромад келтирган. Шу боис “Барселона” мухлислари ўз жамоасини бу режадан воз кечишга чақирмоқда.
Клуб Тейлор Свифт билан бир қаторда Эд Шееран ва Тревис Скотт вариантларини ҳам кўриб чиққан, аммо айнан Свифт асосий номзод сифатида кўрилмоқда. Манбада Spotify билан шартнома деярли якунланганлиги сабабли клуб бу қарордан қайтиши даргумон эканлиги айтилмоқда.
“Эл-Класико” май ойида бўлиб ўтади ва бу баҳс чемпионлик учун ҳал қилувчи ўйин бўлиши мумкин. Ҳозирда “Барселона” ва “Реал Мадрид” 60 очкодан жамғарган ҳолда турнир жадвалининг юқори поғонасида бормоқда, бироқ Ҳанси Флик шогирдлари рақибдан битта кам ўйин ўтказган.
Тейлор Свифт кетма-кет иккинчи йил Spotify платформасида энг машҳур ижодкор бўлди, унинг қўшиқлари 2024 йилда 26,6 миллиард мартадан ортиқ тингланган. “Барселона”нинг бундай қарори маркетинг жиҳатдан катта аҳамият касб этиши ва мавсумнинг энг муҳим ўйинларидан бири олдидан жамоага тижорий фойда келтириши мумкин.
Изоҳ (0)