Миланнинг “Интер” клубининг ашаддий мухлисларидан бири Чемпионлар Лигаси ярим финал жавоб ўйинида юрак уриши тўхтаб қолиши сабабли шошилинч тиббий ёрдамга муҳтож бўлган. Бу ҳақда FCInter1908 нашри хабар бермоқда.
Манбага кўра, воқеа “Интер” ва “Барселона” ўртасидаги (4:3) учрашувнинг сўнгги дақиқаларида содир бўлган. Тахминан 40 ёшдан ошган эркак ҳушини йўқотиб, ерга қулаган. Ҳодиса жойида унга шифокорлар томонидан зудлик билан тез-тиббий ёрдам чоралари кўрилган ва унинг юрак уриши тикланган.
Шундан сўнг бемор фармакологик кома ҳолатига тушган ва шифохонага олиб кетилган. Бугун, 8 май куни у ҳушига келиши тахмин қилинмоқда.
Эслатиб ўтамиз, миланликлар икки ўйин натижасига кўра, 7:6 ҳисобида ғалаба қозониб, дастлабки финалчига айланди. Ҳал қилувчи баҳсда “ПСЖ” билан тўқнаш келади. Учрашув 31 май куни Мюнхенда бўлиб ўтади.
Изоҳ (0)