Остеосаркома — суяк тўқимасида ривожланадиган тажовузкор саратонли ўсма ҳисобланади. Кўпинча болалар, ўсмирлар ва ёшларда учрайди. Касаллик одатда узун найчасимон суякларнинг метафизар соҳасида учрайди ва тез тарқаб кетишининг эҳтимоли юқори бўлади. Эрта аниқлаш ва тўғри танланган даволаш стратегияси беморнинг ҳаётини узайтириш ва сифатини яхшилашда асосий ўрин тутади.
Acıbadem шифохоналар тармоғининг ортопедия ва травматология профессори доктор Фатиҳ Дикичи остеосаркомани даволашда фанлараро ёндашув ҳал қилувчи аҳамиятга эга эканлигини таъкидлайди. Ушбу ёндашув беморларга энг яхши натижаларни таъминлаган ҳолда тиббиётнинг турли соҳалари мутахассисларига биргаликда қарор қабул қилиш учун кучларни бирлаштиришга имкон беради.
Остеосаркомани ташхислаш
Ташхис қўйиш беморнинг шикоятлари ва клиник манзарасини пухта баҳолаш билан бошланади. Энг кўп учрайдиган аломатлар сирасига суяклардаги оғриқ, шишиш ва ҳаракатчанликни чекланиши киради. Тунги паллада ва жисмоний юклама пайтида оғриқнинг кучайиши касалликнинг ўзига хос хусусияти ҳисобланади.
Ташхисни тасдиқлаш учун рентгенография, МРТ ва КТ сингари замонавий тасвирли усуллар қўлланилади. Ушбу тадқиқотлар ўсманинг тарқалишини ва атрофдаги тўқималарга таъсирини баҳолашга имкон беради.
Энг аниқ ва тезкор натижаларни олиш учун Acıbadem шифохоналар тармоғида тажрибали патоморфологлар томонидан ўтказиладиган биопсия асосида якуний ташхис белгиланади.
Остеосаркомани даволашда фанлараро ёндашув
Остеосаркомани даволаш тиббиётнинг турли йўналишларидаги мутахассислар ўртасида яқин ҳамкорликни талаб қилади. Acıbadem шифохоналар тармоғида ҳар бир беморни даволаш ортопедлар, онкологлар, радиологлар, радиотерапевтлар, анестезиологлар ва реабилитация мутахассислари иштирокидаги консилиумларда режалаштирилади.
Остеосаркомани даволаш усуллари
1. Кимётерапия
Неоадъювант кимётерапия даволашнинг биринчи босқичи ҳисобланади. Унинг мақсади кейинги жарроҳлик аралашувининг самарадорлигини ошириш ва метастаз тарқаши хавфини камайтириш учун ўсмани кичрайтиришдир.
2. Жарроҳлик даволаш
Замонавий технологиялар аъзолар сақлаб қолинадиган операцияларни ўтказиш имконини беради, бу эса беморларнинг ҳаёт сифатини яхшилайди. Бироқ, оғир ҳолатларда ампутация эҳтимоли юзага келиши мумкин. Acıbadem шифохоналар тармоғида жарроҳлик операциялари халқаро стандартларга мувофиқ амалга оширилади.
3. Нурли терапия ва тикланиш
Остеосаркома радиотерапияга чидамли бўлса-да, ўсмани тўлиқ олиб ташлашнинг имкони бўлмаган ҳолларда қўшимча усул сифатида қўлланилиши мумкин. Даволанишдан сўнг беморга кучини тиклаши ва кундалик ҳаётга мослашиши учун индивидуал тикланиш дастурлари таклиф этилади.
Остеосаркомани Туркияда даволашнинг афзалликлари
Шифохонани танлаш ҳал қилувчи рол ўйнайди. Туркия юқори технологияли даволаш ва халқаро даражадаги тиббий хизматларни таклиф қилади. Acıbadem шифохоналар тармоғида илғор инфратузилма, тажрибали мутахассислар жамоаси ва ҳар бир беморга индивидуал ёндашув уйғунлашган.
Остеосаркомани даволаш учун нега айнан Acıbadem шифохоналар тармоғини танлаган маъқул?
Эрта ташхис қўйилган тақдирда остеосаркомани назоратга олиш мумкин. Acıbadem шифохоналар тармоғи шахсийлаштирилган ёндашувга урғу берган ҳолда халқаро стандартларга асосланган фанлараро дастурларни қўллайди. Турли мутахассисларнинг кучи ва салоҳиятини бирлаштириш энг яхши натижага эришишга ёрдам беради.
Ўзингиз ёки яқинларингизга остеосаркома ташхиси қўйилган бўлса, текширувдан ўтиш ва замонавий усулда даволаниш учун Acıbadem шифохоналар тармоғига мурожаат қилинг.
Туркиядаги Acıbadem шифохоналарида даволанишга оид ўзингизни қизиқтирган барча саволлар юзасидан Acıbademʼнинг Тошкент, Самарқанд ва Бухородаги ваколатхонасига мурожаат қилишингиз мумкин:
Тошкентдаги ваколатхонамизнинг манзили: Тошкент шаҳри, Мирзо Улуғбек тумани, Буюк ипак йўли мавзеси, 19-уй.
Телефон: +998 95 144 54 45
Самарқанддаги ваколатхонамизнинг манзили: Самарқанд шаҳри, Мирзо Улуғбек 140.
Телефон: +998 66 234 41 71
Бухородаги ваколатхонамизнинг манзили: Академик I. Муминов кўчаси, 7.
Телефон: +998 55 311 54 44
Расмий сайт орқали барча керакли маълумотларга эга бўлишингиз мумкин: www.acibadem.com.ru
Шунингдек, қўшимча маълумотларни олиш учун, ҳамда тажрибали ва юқори малакали шифокорларнинг қабулига ёзилиш учун Acıbadem расмий Facebook ва Instagram саҳифаларига аъзо бўлишингиз мумкин.
Реклама ҳуқуқи асосида
Изоҳ (0)