Европа Чемпионлар Лигаси ярим финал жавоб учашувидаги “Интер” — “Барселона” учрашуви бўлиб ўтди. Қизарли ҳамда голларга бой бўлган баҳсда миланликлар ғалаба қозониб, финал йўлланмасига эга чиқди.
“Интер” аввалига икки марта каталонияликлар дарвозасини ишғол қилишни уддалади. Дастлаб Лисандро Мартинес ҳисобни очган бўлса, биринчи бўлим охирида Ҳоқон Чалхонўғлу жамоасининг иккинчи голига муаллифлик қилди. Учрашувнинг дастлабки бўлими 2:0 ҳисобида Италия клуби фойдасига якунланди.
Иккинчи таймда “Барселона” ўзига келиб, тезда ҳисобни тенглаштирди. 54-дақиқада Эрик Гарсия, 60-дақиқада эса Дани Ольмо Ян Зоммер дарвозасига йўл топишни уддалади.
Иккинчи тайм охирида жамоалар яна биттадан гол уришди. Аввалига 87-дақиқада Рафинья “Барса”ни ҳисобда олдинга олиб чиққан бўлса, 90+3-дақиқада Франциско Ачерби таблодаги натижани 3:3 кўринишига келтириб қўйди.
Шундан кейин жамоалар қўшимча бўлимларга мурожаат қилди.
99-дақиқада “Интер” яна ҳисобда олдинга чиқиб олди. Гол муаллифи — Давид Фратеззи. Амалда мазкур натижа ўзгармади ва “Интер” 4:3 ҳисобида “Барселона”ни мағлуб этиб, дастлабки финалчига айланди.
Европа Чемпионлар Лигаси
Ярим финал, жавоб учрашуви (дастлабки ўйин 3:3)
6 май, Сешанба
“Интер” — “Барселона” 4:3
Голлар: 1:0 — Мартинес (21), 2:0 — Чалхонўглу (пенальти, 45), 2:1 — Гарсия (54), 2:2 — Ольмо (60), 2:3 — Рафинья (87), 3:3 — Ачерби (90+3), 4:3 — Фратеззи (99)
Изоҳ (0)