Ispaniya La Ligasi 35-turi doirasidagi “Barselona” — “Real Madrid” bahsi yakuniga yetdi. Ushbu bellashuvda kataloniyaliklar 4:3 hisobida g‘alaba qozondi. Opta Sport nashri ma’lumotlariga ko‘ra, mazkur g‘alaba “El-Klasiko”lar tarixidagi eng uzun durangsiz seriyaga sababchi bo‘lgan.
Unga ko‘ra, La Liganing ikki grand jamoasi o‘rtasidagi so‘nggi 18 ta to‘qnashuv durangsiz yakunlanib, bu tarixdagi eng uzun seriyaga aylandi.
Ushbu 18 o‘yindan 8 tasida “Barselona” g‘alaba qozongan. Ta’kidlash kerakki, Hansi Flik jamoasi shulardan 4 tasini aynan joriy mavsumda qo‘lga kiritgan. 10 ta bellashuv esa Madrid klubi foydasiga hal bo‘lgan.
Eslatib o‘tamiz, La Liganing 35-turidan so‘ng “Barselona” 82 ochko bilan turnir jadvalining yetakchisi bo‘lib turibdi. “Real Madrid” esa shuncha o‘yin o‘tkazgan holda ikkinchi pog‘onani egallab turibdi. “Qirollik klubi” hisobida 75 ochko mavjud.
Izoh (0)