Франциянинг ЛъÉқуипе нашри кучли бешлик чемпионатлари орасидан Англия Премьер-лигаси, Испания Ла Лигаси ва Германия Бундеслигасининг энг кўп маош оладиган мураббийлари номини эълон қилди. Бу ҳақида Спорц24 нашри хабар берди.
Унга кўра, “Манчестер Сити” бош мураббийи Пеп Гвардиола Англия Премер-лигасининг энг юқори маош олувчи мураббийи ҳисобланади. Испаниялик мутахассис ойига 1,98 млн евро олади (солиқлар билан бирга). Бу кўрсаткич АПЛдаги барча мураббийлар орасида энг юқори кўрсаткич ҳисобланади.
Иккинчи ўринда “Арсенал” бош мураббийи Микель Артета (1,48 млн), учинчи поғонада эса “Эвертон” устози Девид Моес (1,23 млн) жой олган.
Ла Лигада энг кўп маош олувчи мураббий “Атлетико Мадрид” устози Диэго Симеоне бўлиб, у ойига 2,17 млн евро олади. Иккинчи ўринда “Реал Мадрид” бош мураббийи Карло Анчелотти (910 минг евро), учинчи поғонада эса “Барселона” бош мураббийи Ҳанси Флик (830 минг евро) бормоқда.
Бундеслигада энг юқори маош олувчи мураббий “Бавария” устози Венсан Компани бўлиб, унинг ойлик даромади 750 минг еврога тенг. Иккинчи ва учинчи ўринларни мос равишда “Байер” бош мураббийи Хаби Алонсо (425 минг евро) ва “Лейпциг” устози Марко Розе (375 минг евро) эгаллаган.
Изоҳ (0)