“Барселона” вингери Ламин Ямал Чемпионлар Лигаси ярим финал жавоб учрашувида “Интер”га қарши кечган ўйиндан кейин мухлисларга мурожаат қилди. Бу ҳақда Фабрицио Романо ўзининг ижтимоий тармоқдаги саҳифасида маълум қилди.
Футболчининг айтишича, жамоа бор кучини берди, бироқ бу сафар омад кулиб боқмаган. Шунингдек, Ламин ушбу кубокни Каталонияга олиб келмагунча тинчимаслигини айтди:
Бор кучимизни сарфладик, лекин омад рақиб томонда бўлди. Ишонч билан айтаман — биз қайтамиз. Футболчилар “Барселона”ни ўз ўрнига, энг юқори чўққига олиб чиқмагунча тўхтамайди. Мен ваъдамда тураман: Чемпионлар Лигаси кубогини Каталонияга олиб келаман. Бу йўлда ҳеч қачон тўхтамайман, дея фикр билдирди Ямал.
Маълумот учун, “Барселона” Чемпионлар Лигаси ярим финалининг жавоб учрашувида “Интер”га қўшимча бўлимларда 3:4 ҳисобида ютқазди ва икки ўйин натижасига кўра 6:7 ҳисобида мағлуб бўлиб, финалга чиқа олмади.
Ямал жорий мавсумда барча турнирлар доирасида 51 та учрашувда майдонга тушиб, 15 та гол ва 24 та ассист муаллифига айланди. Transfermarkt порталига кўра, футболчининг ҳозирги қиймати 180 миллион еврони ташкил этади.
Изоҳ (0)