“Барселона” клуби Ламин Ямал билан узоқ муддатли шартнома борасида келишувга эришди. Бу ҳақда Todofichajes нашри хабар берди.
Манбада ёзилишича, клуб футболчи билан 2030 йилнинг июнига қадар амал қиладиган янги шартнома тузади. Ламин ёзда 18 ёшга тўлгач, битим расман имзоланади. Келишувда Ямал юқори маош олиши ҳамда унинг товон пули оширилиши айтилмоқда. Аммо ҳозирча бу ҳақида маълумотлар очиқланмади.
Футболчининг ўзи ушбу ҳолатга қуйидагича изоҳ берди:
Мен “Барселона” билан қачон янги шартнома имзолашимни билмайман, лекин ишонаманки, бу яқин вақт ичида содир бўлади. “Барселона” — менинг ҳаётим. Мен Каталонияда бахтлиман. Умид қиламанки, янги битим мен учун ҳам, клуб учун ҳам фойдали бўлади, дейди Ямал.
Ла Масия академиясининг тарбияланувчиси бўлган Ламин ўтган мавсум клуб сафида ўз дебютини амалга оширди. У ҳозиргача каталонияликлар сафида 101 та расмий ўйинда иштирок этиб, ўз ҳисобига 22 та гол ва 33 та голли узатма ёздириб қўйган. Унинг клуб билан шартномаси 2026 йилнинг ёзига қадар амал қилади. Transfermarkt портали футболчининг қийматини 180 миллион еврога баҳолаган.
Изоҳ (0)