Ла Лига. “Барселона” сўнгги дақиқалардаги гол эвазига “Реал”ни мағлуб этиб, орадаги фарқни 12 очкога етказди

Футбол бўйича Испания Ла Лигасининг 26-турида “Барселона” ва “Реал” жамоалари 19 март, якшанба куни ўзаро тўқнаш келди.

Учрашувнинг 9-дақиқасида Винисиус Жуниорнинг жарима майдонига узатмасидан кейин тўп Роналд Араухога тегиб ўз йўналишини ўзгартирди ва каталонлар дарвозасидан жой олди.

Танаффус арафасида Серхи Роберто мезбонларнинг ҳужумини гол билан якунлади. Иккинчи бўлимда ҳам ҳар икки жамоа вакилларида қатор имкониятлар юзага келди. Ҳакам томонидан қўшиб берилган вақтда Франк Кессиэ “кўк-анорранглилар”нинг қарши ҳужумини муваффақиятли якунлади.

Шу тариқа “Барселона” ушбу ғалабадан кейин очколарини 68 тага етказиб олди ва таъқибчиси “Реал”ни 12 очкога ортда қолдирмоқда.

Ла Лига мусобақа жадвали 26-турдан кейин қуйидаги кўринишни олди:

Ла Лига

26-тур баҳслари

19 март, якшанба

“Барселона” – “Реал Мадрид” 2:1

Голлар: 0:1 – 9, автогол Араухо, 1:1 – 45 Серхи Роберто, 2:1 – 90+2 Кессиэ.

“Барселона”: тер Штеген, Араухо, Кристенсен, Кунде, Балде, Серхи Роберто (Кессиэ, 77), Бускетс, де Йонг, Гави (Фати, 90), Рафинья (Ферран Торрес, 83), Левандовски.

“Реал Мадрид”: Куртуа, Карвахаль, Рюдигер, Милитао, Начо (Менди, 62), Модрич (Себальос, 76), Кроос (Родриго, 62), Вальверде (Асенсио, 76), Камавинга (Тчуамени, 76), Винисиус Жуниор, Бензема.

Огоҳлантиришлар: Начо (18), Рафинья (33), Серхи Роберто (65), Модрич (69), Балде (90+2), Себальос (90+5), Фати (90+5).

“Бетис” – “Мальорка” 1:0

Гол: 1:0 – 48 Иглесиас.

“Осасуна” – “Вильярреал” 0:3

Голлар: 0:1 – 14 Чуквуэзе, 0:2 – 85 Моралес, 0:3 – 90 Моралес.

“Реал Сосьедад” – “Элче” 2:0

Голлар: 1:0 – 48 Кубо, 2:0 – 90 Барренечеа.

“Хетафе” – “Севилья” 2:0

Голлар: 1:0 – 50 Мунир, 2:0 – 90 Унал.