Ла Лига 2022/23 йилги мавсуми тақвими эълон қилинди. «Эль-Класико» октябрь ва март ойида бўлиб ўтади

Футбол бўйича Испания чемпионатининг 2022/23 йилги мавсуми тақвими эълон қилинди.

Ла Лига янги мавсуми 14 августда старт олади ва 2023 йилнинг 4 июнь куни якунланади.

Дастлабки турда «Барселона» ўз майдонида «Райо Вальекано»га қарши баҳс олиб борса, «Реал» сафарда «Алмерия» билан ўйнайди. «Атлетико» эса «Хетафе»ни қабул қилади.

«Реал» ва «Барселона» ўртасидаги дастлабки ўйин 9-турга тўғри келади. «Сантьяго Бернабеу»даги ўйин 16 октябрь куни бўлиб ўтади. «Камп Ноу»даги баҳс эса 19 март куни (26-тур) ўтказилади.

«Қаймоқранглилар» ва «Атлетико» ўртасидаги Мадрид дербиси 18 сентябрь (6-тур) ва 26 февраль (23-тур) кунига режалаштирилган. «Барселона» «матрасчилар» билан 8 январь (16-тур) ва 23 апрель (30-тур) кунлари тўқнаш келади.

ЖЧ—2022 муносабати билан лига 10 ноябрдан 31 декабрга қадар танаффус олади.

Ла Лига 2022/23 йилги мавсумининг тўлиқ тақвими билан бу ерда танишиш мумкин.

Аввалроқ Англия Премьер Лигасининг 2022/23 йилги мавсуми тақвими эълон қилинганди.