Англиянинг Молдон шаҳри яқинидаги Блекоутер дарёсининг қуйилиш қисмида жойлашган Оси ороли 33 миллион долларга сотувга қўйилди. Бу ҳақда BBC нашри хабар бермоқда.
Кўчмас мулк агентлари маълумотига кўра, таклифга бўлган талаб жуда юқори, чунки орол ўзида кўплаб тарихий воқеаларни мужассам этган. Жумладан, рэпер ва қўшиқлар муаллифи Stormzy айнан шу ерда ўзининг “Тthis Is What I Mean” альбоми устида ишлаган.
“Бизга бир нечта таклифлар келиб тушди, айримлари ҳатто белгиланган нархдан ҳам юқори”, деди Fine and Country риэлторлик компаниясидан Саймон Пеллинг.
Шунингдек, мазкур орол бир неча бор фильмлар ва клиплар суратга олиш майдончаси сифатида ишлатилган. 2012 йилда чиққан “Қора либосли аёл” фильми айнан Оси оролида суратга олинган.
Ҳудуд бир неча бор машҳур юлдузлар томонидан ижарага ҳам олинган: Рианна, Олли Мерс каби қўшиқчилар бу ерда тўй маросимини ўтказган.
Бўлажак орол эгаси 1,5 квадрат километрли кенг майдонни қўлга киритади. Сотувчилар таъкидлашича, бу хариднинг афзалликларидан бири оролнинг Лондон шаҳри яқинида жойлашганида ҳамда гўзал манзарага эга эканлигидадир.
Изоҳ (0)