Тошкент метрополитенида “Минор” бекатида йўловчилар поезддан туширилди. “Тошкент метрополитени” ДУК ҳолат юзасидан тушунтириш берди.
Унга кўра, 23 апрель санаси соат 16:38 лар атрофида “Минор” бекатидан ҳаракатланиши лозим бўлган 65-сонли ҳаракат таркибида техник носозлик ҳолати аниқланди. Шундан сўнг белгиланган йўриқномага асосан ҳаракат хавфсизлигини таъминлаш мақсадида поезддаги йўловчилар бекатга туширилган ҳамда поезд текширув йўлаги томон юборилган.
Бунинг натижасида ортдан келаётган навбатдаги ҳаракат таркиби орқали бекатдаги йўловчилар манзиллари томон олиб кетилган.
Ташкилот, шунингдек, келтирилган ноқулайлик юзасидан узр сўраган.
Метродаги носозликлар:
- Тошкент метрополитенининг “Ўзгариш” бекатида ёнғин чиқди
- Тошкент метрополитенида поездда ёнғин чиққани айтилган хабарга изоҳ берилди
- Тошкентда метро вагонларидан бирининг эшиги очилмай қолди
- Тошкентда метро поезди носозлик сабаб тўхтаб қолди
- Тошкентда метро поезди очиқ эшик билан ҳаракатланди (видео)
- Тошкент метрополитенида поезд икки бекат оралиғида тўхтаб қолди
2024 йилда метрополитенда қанча йўловчи ташилган?
Статистика агентлигининг маълумотларига кўра, 2024 йилнинг январь декабрь ойларида Тошкент метрополитенида жами 270,3 млн нафар йўловчи ташилган. Ушбу кўрсаткич 2023 йилга нисбатан 98,3 млн нафар йўловчига ёки 57,2 фоизга ўсган.
Ушбу кўрсаткич йиллар кесимида қуйидагича:
- 2020 йил – 38,8 млн нафар;
- 2021 йил – 101,8 млн нафар;
- 2022 йил – 136,7 млн нафар;
- 2023 йил – 172 млн нафар;
- 2024 йил – 270,3 млн нафар.
Изоҳ (0)