Анжелина Жоли ва Бред Питтнинг олти нафар фарзанди ҳозир қандай кўринишда ва нималар билан банд?

Собиқ турмуш ўртоқлар — Бред Питт ва Анжелина Жолининг олти нафар фарзанди бор. Анжелина 2002 йилда камбожалик Меддоксни, 2005 йилда эфиопиялик Захарани ҳамда 2007 йилда ветнамлик Пакс Тен исмли болани асраб олган. Жуфтликнинг Шайло исмли қизи, Нокс Леон ва Вивен Маршелин исмли эгизаклари ҳам бор. Уларнинг ҳеч бири ҳозирча шоу-бизнес соҳасида карьера қуришга шошилмаяпти. Фақатгина кенжа қиз Вивен театр соҳасида ишлаб келмоқда.

Голливуднинг ёрқин жуфтлиги 2016 йилда ажрашди. Йиллар давомида чўзилган суд ишлари вақтида Бред Питт фарзандлари билан алоқаларни йўқотди. Дастлаб уларнинг барчаси Жоли-Питт фамилиясига эга эди, ҳозирда барча болалар отасининг фамилиясидан воз кечган.

Меддокс

Анжелина биринчи фарзандини 2002 йилда Камбожада асраб олганида Меддокс етти ойлик чақалоқ эди. Воқеадан уч йил ўтгач, Жоли Питт билан учрашишни бошлади ва у болага оталик қилишга рози бўлди. Меддокс кинодаги дебютини 12 ёшида, отасининг “Оламлар жанги” фильмида эпизод ролини ўйнаган. 15 ёшида у Анжелинанинг Камбожадаги геноцид ҳақидаги “Улар аввал отамни ўлдиришди” номли фильмнинг ижрочи продюсери бўлди.

Шундан сўнг Меддокс бор эътиборини таълимга қаратди. 2023 йилда у Жанубий Кореянинг Сеул шаҳридаги Ёнсей университетини битирди. Меддокс инглиз тилидан ташқари француз, немис ва корейс тилларини билади ҳамда биокимё ва авиация соҳаларига қизиқади.

Захара

2005 йилда Эфиопияда Анжелина Жоли олти ойлик Захарани асраб олди. Ўша саёҳатда актрисага Бред Питт ҳам ҳамроҳлик қилди ва орадан бир йил ўтгач, қизалоққа расман оталик қила бошлади. Захара 14 ёшидан бошлаб модага қизиқа бошлади ва Роберт Прокоп билан ҳамкорликда ўзининг заргарлик буюмлари сотувини йўлга қўйди. Бундан ташқари, у хайрия ишларини яхши кўради ва ижтимоий ёрдам бериш кампанияларида онаси била фаол иштирок этади. 2022 йилда Захара Спелман коллежига ўқишга кирган.

Шайло

2006 йил май ойида Намибиянинг Свакопмунд шаҳрида Жоли ва Питтнинг Шайло исмли қизи туғилди. У икки ойлик бўлганида чақалоққа атаб Нью Йоркдаги Мадам Тюссо музейида мум ҳайкали ўрнатилди. Қизалоқ икки ёшида отаси билан “Бенжамин Баттоннинг сирли воқеаси” фильмида рол ўйнади. Шунингдек, Шайло 2016 йилда “Кунг-фу панда-3” фильмидаги Шуайга овоз берди.

Захара ҳозирда рақсга қизиқади. У Калифорниядаги Мовемент Lifestyle студиясида хореограф Лил Келаан Картердан таҳсил олади.

Пакс

2007 йилда Вьетнамда Анжелина Жоли Пакс исмли уч ёшли болани асраб олди. Мамлакатнинг турмуш қурмаган жуфтликларга қарши бўлган қоидалари туфайли у Паксни ёлғиз ўзи асраб олди, аммо Бред тез орада унинг расмий отасига айланди. Йигит болалигида “Малефисента” фильмида кичик рол ўйнаган. Шунингдек, у “Кунг-фу панда-3” фильмидаги қаҳрамонларга овоз берган.

Пакс Меддоксга “Улар аввал отамни ўлдиришди” фильмида ишлашга ёрдам берди. Сўнг актрисанинг янги бренди — Ателиэр Жолиэънинг флагман дўкони дизайнини ишлаб чиқишга ёрдам берди. Пакс мусиқа ва дижейликка қизиқади. Август ойида йигит мототциклда бахтсиз ҳодисага учради. Унинг реабилитацияси ҳозир ҳам давом этмоқда.

Нокс

2008 йилнинг июль ойида Жоли ва Питт Франциянинг Ницсе шаҳрида эгизаклар Нокс ва Вивенни дунёга келтирди. Октябрь ойида Анжелина кенжа ўғли жуда уятчан экани ва оммага чиқишни истамаслиги ҳақида маълум қилди.

Вивен

Вивен ёшлигида онаси билан “Малефисента” фильмида рол ижро этганида актёрлик фаолиятини бошлаган. У Эл Феннинг образини экранда гавдалантирган. 2023 йилда Анжелина кенжа қизи театр соҳасига катта қизиқиш билдираётгани ҳақида маълумот берди. Вивен “Чекишнинг телбаликка олиб келиши: мюзикл” (Реефер Маднесс: Тҳе Musicал) тақдимотида билет сотувчиси сифатида ишлаб кўрди.

Вивеннинг театрга бўлган қизиқиши ортишига Френсис Форд Копполанинг 1983 йилда суратга олинган “Қувилганлар” фильми асосида саҳналаштирилган “Қувилганлар” (Тҳе Оуцидерс) спектакли туртки бўлди. Вивен ушбу лойиҳа устида кўнгилли ёрдамчи сифатида ишлади ва спектакл 2024 йилда “Тони” мукофотининг энг яхши мусиқий фильм номинациясида ғолиб чиқди.