Франция косметик компанияси L’Oreal АҚШдаги акнени даволашга мўлжалланган кремининг барча партияларини, унда саратон касаллигини келтириб чиқарадиган бензол топилганлиги сабабли қайтариб олди.
Қайд этилишича, крем L’Oreal’га тегишли La Roche-Posay бренди остида сотилади. Косметик воситанинг таркибига бактерияларни ўлдирадиган бензоилпероксид киради. Ушбу бирикма парчаланиб, лейкемияни қўзғатишга қодир бўлган бензолни ҳосил қилиши мумкин.
L’Oreal ўз баёнотида маҳсулотни қайтариб олиш тўғрисидаги қарор АҚШ Озиқ-овқат ва дори воситаларини назорат қилиш бошқармаси (FDA) билан мувофиқлаштирилганини айтди.
Изоҳ (0)