Трейлерларда, фермаларда ёки ёлғиз тоғли кулбаларда яшайдиган бу жасур одамлар учун шоу-бизнес дунёсида муваффақият виллалар, яхталар ва хусусий ороллар билан ўлчанмайди. Ҳақиқий бахт квадрат метрда эмас, балки содда ҳаётда эканлигини исботлайдиган юлдузларнинг ҳикоялари билан ўртоқлашамиз.
Жижи Ҳадид: товуқлар, нон ва оналик
Дунёнинг энг талабгир моделлариидан бири қизи туғилгандан кейин бутунлай бошқа турмуш тарзини танлади. Нью Йорк ва Париж ўрнига — Пенсилваниядаги оилавий фермага кўчиб ўтди. Жижи бу жойни ўзининг бошпанаси деб атайди: у бу ерда боғдорчилик билан шуғулланади, қизи билан вақт ўтказади ва суратга олиш ишлари орасида куч тўплайди.
-6F3cYVSi.avif)
“Фермада мен ўзлигимча қолишим мумкин. Бу менга энергия беради”, деди модел интервьюсида. Жижи маҳаллий маҳсулотлардан тайёрланган таомларни тайёрлашдан, боғни парвариш қилишдан ва ҳатто уй ишларида иштирок этишдан завқ олади. Товуқлар, янги узилган нон ва қизи билан суратлар — бу хаёлий контент эмас, балки унинг янги ҳақиқатининг бир қисмидир.
Девид Бекҳэм: резина этиклар ва уйда пиширилган нон
Британия футболининг афсонаси ва услуб иконаси узоқ вақтдан бери оиласи билан Англиянинг жанубидаги гўзал бир масканда яшамоқда. Бу шунчаки элита уйи эмас, балки боғи, ҳовузи, ўзининг иссиқхонасига эга ва товуқчилик фермаси бўлган ҳақиқий қишлоқ хўжалик уйи. Ҳа, Бекҳэм товуқ боқади ва уларга ўзи ғамхўрлик қилади.
Бекҳэм ижтимоий тармоқларда суғориш қурилмалари ва резина этиклар билан суратларни баҳам кўради, шунингдек, уйда нон пиширишни кўрсатади. “Бу менинг дам олиш усулим. Бу ерда мен шунчаки ота ва эрман, оммавий ахборот воситаларида яратилган образ эмасман”, дейди у. Бундай кундалик ҳаёт футболчига жамоат ҳаёти ва ҳақиқий “мен” ўртасида мувозанатни сақлашга ёрдам беради.
Метю Макконаҳи: ғилдиракдаги ҳаёт ва чуқур фалсафа
Оскар мукофоти соҳиби узоқ вақтдан бери шовқинли кечалардан кўчиб юрувчи турмуш тарзини афзал кўрди. Унинг уйи — сунъий йўлдош антенасига, барбекю зонаси ва юмшоқ диванига эга трейлер. Макконаҳи уни “Кануэ” деб атайди ва бу номнинг ўзига хос тарихи бор.
“Бир марта мен Ванкувер яқинидаги СквоМиш ҳиндуларининг резервациясида бўлганман. Кетар эканман, менга қабиланинг рамзларидан бири қўлда тайёрланган эшкакни совға қилишди. Эшкак билан сиз қайиқни бошқарасз, у сизни ҳаётга етаклайди, шунинг учун мен ўз трейлеримни шу ном билан атадим. Биз юрадиган йўллар — бу бетонлардан қилинган дарёлар”, деб тушунтиради Макконаҳи. Макконаҳи трейлерда АҚШ бўйлаб саёҳат қилиб, ёлғизликдан, радио тўлқинларидан ва жадваллардан мутлақо озодликдан завқланади.
Аманда Сейфрид: эчки билан ёга ва фермерлик кунлари
Аманда Сейфрид — Голливуднинг энг машҳур актрисаси, ўзини фермерликка бағишлаган. У эри Томас Садоски ва икки фарзанди билан Нью Йорк штатидаги Кацкилл шаҳрида жойлашган гўзал бир қишлоқда яшайди. Унинг куни суратга олишдан эмас, балки товуқлар, ўрдаклар, эчки, понилар, эшаклар ва отларни боқишдан бошланади. Фермада умуман 30 дан ортиқ ҳайвонлар, шу жумладан мушуклар ва Фин лақабли ити бор.
Сейфрид ҳар бир уй ҳайвонига шахсан ғамхўрлик қилади. Гарчи буларнинг ҳаммаси вақт ва куч талаб қилсада, актриса бундан завқланишга ҳаракат қилади. Фақатгина ҳайвонларни боқиш учун бир соат вақт кетади, лекин Аманда бу вақтдан самарали фойдаланади — иш ўртасида спорт билан шуғулланади: арғамчи билан сакрайди, гантеллар ва планка машқларини бажаради.
“Менинг куним кофе билан бошланади, кейин эса итга нонушта ва ўғлимга сутни иситиш, тахминан 45 дақиқа тинчлик ва кейин — фермада югуриш”, дейди юлдуз.
“Бу ҳайвонлар менга ҳақиқий ҳаёт нима эканлигини эслатиб туради”, — дейди актриса. Унинг учун ферма — бу хоҳиш эмас, балки онгли танлов. Бу ерда у тинчлик, энергия ва назорат ҳисси — Голливудда юлдузларнинг кўпинча йўқотиб қўядиган нарсаларини топади.
Айримларнинг фикрича, бу юлдузлар ҳақиқий ғалати одамлар, лекин эҳтимол улар шунчаки кўпчиликда йўқ нарсани топишган — стереотиплардан ва муваффақиятга эришишнинг чексиз пойгасидан воз кечган. Уларнинг ҳикоялари бахт ҳар доим квадрат метр ёки обуначилар сонида эмас, баъзан у янги ўрилган ўтнинг ҳиди, харитани кўрмасдан йўлда юриш ёки ҳеч ким сизга “Суратга тушсак бўладими?” деб айтмайдиган ўрмоннинг сукунатида эканлигини эслатиб туради.
Изоҳ (0)