Ҳар доим омма эътибор марказида бўладиган Голливуд кино ижодкорларининг бир-бирига кўнгил қўйиб турмуш қуриши кўплаб учраб туради. Лекин жуфтликлар орасидаги можаролар ҳам талайгина. Турмуш ўртоғи сабаб кинодаги фаолияти барбод бўлганлар ҳам йўқ эмас. Қуйида айнан турмуш ўртоғи сабаб карьерасига путур етган актёрларнинг баъзиларига тўхталамиз.
Кети Ҳолмс ва Том Круз
Том Круз оғир характерли инсонлар сирасига киради. Буни унинг бирин-кетин суратга олиш майдончасида бузилган фильмлари, шунингдек, парчаланган никоҳлари тасдиқлайди. У Мими Рожерс билан тўрт йил яшаб, сўнг Николь Кидманга уйланди ва Николь билан 11 йил бирга яшади. 2001 йилда эса у билан ҳам ажрашди. Ундан кейин Том Кети Ҳолмсга кўнгил қўяди ва жуфтлик 2006 йилда турмуш қуради. Круз католик черковига борадиган Кетини саентологияга (халқаро диний оқим) жалб қилди, шу сабаб актриса атрофида кўплаб ёқимсиз миш-мишлар тарқала бошлади. Кутилмаганда Ҳолмс ажрашиш учун ариза берди ва қизининг тўлиқ васийлигига эришди. Ажралиш ва саентология атрофидаги гап-сўзлар туфайли Кети Ҳолмснинг карьерасида пасайиш бошланди. Шунингдек, у “Бэтмен: муқаддима” фильмида иштирок этганидан сўнг, фильмнинг давомида суратга тушишдан воз кечиб, муваффақиятсизликка учраган “Осон пул” фильмида суратга тушди.
Мадонна ва Гай Ричи
Мадонна ва Гай Ричининг муносабатларида ҳеч қандай ёмон нарса бўлмаган. Эҳтимол, жуфтлик кичик муаммоларга дуч келган, лекин ҳеч қачон оиладан ташқарига чиқмаган. Аммо бир ҳолат Мадоннанинг актёрлик фаолиятига катта путур етказди. У аллақачон поп юлдузи бўлган, 80 йилларда актёрлик фаолиятини бошлаган. Мадоннанинг 2001 йилда Гай Ричига турмушга чиқиши натижасида актёрлик карьерасида сезиларли даражада кўтарилиши кутилган эди, чунки Гай “Карта, пул ва икки ствол”, “Футбол мураббийи” ва “Йирик ўлжа” фильмлари режиссёри сифатида анча танилган эди. 2002 йилда режиссёр турмуш ўртоғини “Олиб кетилганлар” фильмига жалб қилади ва бу фильм унинг карьерасига нуқта қўйди. Сабаби фильм ҳатто прокат сотувига ҳам чиқарилмади ва Мадонна икки марта йилнинг энг омадсизларига бериладиган “Олтин малина” мукофоти билан тақдирланган. Муваффақиятсизликларга қарамай, жуфтлик олти йилдан кейингина ажрашишга қарор қилди.
Дениз Ричардс ва Чарли Шин
Ўтган асрнинг 90 йилларида Денис Ричардснинг кинодаги фаолияти ёмон бошланмаган у “Ёввойи”, “Юлдузли кема аскарлари”, “Дунё етарли эмас” картиналарида иштирок этишга улгурганди. Кейинчалик у Чарли Шин билан танишиб турмуш қуради. Агар илгари Чарли Шин қизиқарли фильмлар ва телесериаллардаги роллар ижрочиси сифатида таниқли бўлган бўлса, ҳозир ҳеч ким у билан ишлашни истамаётгани ва унинг карьераси ўхшамагани билан машҳур, чунки у буни амалга ошириш учун ҳамма ишни қилган. Аммо у Дениз Ричардс билан танишганида Чарлининг обрўси унчалик ёмон бўлмаган, шунинг учун Дениз қайсидир маънода Шиннинг токсик хулқ-атворининг кашфиётчиси бўлди. Уч йил ўтгач, у ажрашиш учун ариза беради. Чарли бўлса, Денизни таъқиб қилишни ва унга таҳдид қилишни бошлади. Буларнинг барчаси омма эътиборида бўлди ва кўпчилик актрисани қўллаб-қувватласа ҳам, продюсерлар ундан юз ўгиришга ҳаракат қилди, чунки у шахс сифатида омма марказида эди. Ажралишдан кейин Ричардс фаол ҳаракат қилишни давом эттирди, лекин унинг янги фильм ва телесериаллари томошабинларга ҳозирча номаълум.
Анна Ферис ва Крис Пратт
Анна Ферис ва Крис Праттнинг никоҳи намунавий ҳисобланганига қарамай, улар учун бу осон кечмаган. Актрисанинг айтишича, уларнинг никоҳи ўзининг касбий ишончсизлиги туфайли зарар кўрган, чунки унинг карьераси пасайишни бошлаган. Крис аксинча, “Галактика қўриқчилари” фильми туфайли дунё юлдузига айланган. Охир-оқибат, бир неча йил ўтгач, Голливуднинг энг гўзал жуфтликларидан бири ажрашди ва шундан сўнг, Анна бир неча йилга ижодий танаффус олди. Крис Голливуддаги мавқейини мустаҳкамлади ва Marvelнинг бир нечта фильмларида иштирок этди
Жонни Депп ва Эмбер Ҳерд
Жонни Депп ҳар доим ўзига ишонган актёр бўлиб келган ва унинг кўриниши идеалликка яқиндек туюлади. Ҳатто собиқ қиз дўстлари ҳам ҳар доим Депп ҳақида илиқ фикр билдирган. 2011 йил Деппнинг ҳаётида “Рим кундалиги” фильмини суратга олиш вақтида танишган Эмбер Ҳерд пайдо бўлади. Уч йил ўтгач, жуфтлик турмуш қурди. Лекин 2016 йилда актриса ажрашиш учун ариза беради. Ҳолат кутилмаганда содир бўлди, чунки бу воқеадан уч кун олдин Депп онасини йўқотган эди. Масала ажралиш билан чекланиб қолмади. Эмбер Жонни зўравонликда айблади. Жонни жим туришдан яхшироқ нарса ўйлаб топа олмади. Актёр сукут сақлаган ва айбловлар ҳақида ҳеч қандай баёнот бермагани учун карьераси барбод бўла бошлади. У нафақат янги фильмлардаги ролларни йўқотди, балки “Кариб денгизи қароқчилари” фильмидаги ўз ўрнидан ҳам маҳрум бўлди. Актрисага кам одам ишонди, шунинг учун кўпчилик Деппни қўллаб-қувватлади. 2022 йилда актёр собиқ хотинига қарши ишда ғалаба қозонди ва ундан зарар учун товон тўлашни талаб қилди: оладиган 10 миллион доллар пули барча роллардан олинадиган гонорарга мос келмаса-да. Депп кинога қайтишга ҳаракат қилмоқда ва ҳатто битта фильмда суратга ҳам тушди, лекин ҳозирча экранларга чиққанича йўқ. Бундан ташқари, Голливудда кўплаб бошқа актёрлар ҳам пайдо бўлди, энди актёр ўз ўрнини қайта топиш учун кўпроқ ҳаракат қилиши керак.
Изоҳ (0)