Голливуднинг машҳур актёрларидан бири, «Форсаж» кинокартинасининг юлдузи Жейсон Стетхем 55 ёшни қарши олди. «Lisa.ru» нашри актёрнинг оиласи, ижоди ҳақида қизиқарли фактлар келтирди.
Ижодкорлар оиласи
Жейсоннинг отаси барларда ижод қилувчи хонанда, онаси эса раққоса бўлган. Унинг отаси Барри Канар оролларига борган ва у ерда вақти-вақти билан концерт берган.
Спортга меҳр қўйган оила
Бўлажак актёрнинг отаси ва акаси боксни яхши кўрган. Жейсон бу хусусиятни катта акасидан олган ва у билан машқ қилган. Стетхем ҳам ушбу спорт турига қизиққан ва баъзида футбол билан ҳам шуғулланган.
Юлдузлар билан танишиш
Бўлажак актёр ёшлигида футболга киришига сабабчи бўлган футболчи Винни билан учрашди. Стетхем футболчини ҳайратда қолдиради, яъни у беш йил давомида мактаб футбол жамоасида ўйнади. Кейинчалик Винни машҳур футболчига айланди ва фильмларда ҳам рол ўйнай бошлади.
Профессионал сузувчи
Жейсон сузишни яхши кўрган, бундан ташқари у сузиш спорт турига ихтисослашган Буюк Британия терма жамоасининг аъзоси бўлган.
Ота-онасига ёрдам берган фарзанд
Стетхем бўш вақтларида кўчада атир ва заргарлик буюмларини сотган. Актёрнинг пули ўзига зўрға етган, бироқ у доим ота-онасига ёрдам берган.
Моделлик карьераси
Келишган спортчи Tommy Hilfiger бренди реклама агентининг эътиборига тушади. У ўз компаниясига янги модель топиш учун спортчи машғулот ўтказаётган сув ҳавзасига келади. Дастлаб Жейсон жинси шимларни реклама қилди, кейин унинг фотосуратлари бошқа машҳур нашрлар саҳифаларида пайдо бўла бошлади.
Муваффақиятли дебют
Стетхем кино оламга у билан ҳамкорлик қилган мода бренди раҳбарияти туфайли кириб келади. У 1998 йилда компания директори Гай Ритчининг «Қарта, пуллар, икки қурол» номли янги фильмини суратга олишга қарор қилади. Сценарийни ўқиб чиққач, у режиссёрга ўз таклифини беради.
Гайга Жейсонга ташқи томонидан ўхшаган қаҳрамон ёқарди. Бундан ташқари Гай собиқ спортчи кўчада савдо билан шуғулланган пайтда унинг нарсасини сотиб олган. «У менга актёрликда таҳсил олган йигитни қабул қила олмаслигини, нимани ўрганишим кераклигини айтди. Бу ҳақда дарсликларда ёзилмайди» , — деб эслайди актёр.
Ричи унга вазифани ишониб топширган: у инсонларга арзон заргарлик буюмларини олтин деб сотиш керак эди. Стетхем бу вазифанинг уддасидан чиқади ва фильмдаги асосий роллардан бирини олади. Шу тариқа унинг актёрлик карьераси бошланди.
Голливуд сари
Кўплаб мухлислар актёрни британиялик режиссёр туфайли бутун дунёга машҳур бўлган деб ўйлайди, чунки 1990 йилларнинг охири ва 2000 йилларнинг бошида у Гайнинг фильмларида рол ўйнаган.
Кейинчалик ҳам актёр Ричи туфайли юлдузга айлангани ҳақида миш-мишлар тарқалган. Шундан кейин Жейсон Голливуд сари қадам ташлайди ва янада муваффақиятли, изланувчан актёрга айланади.
Москвага ташриф
Актёр 2013 йилда Голливуд юлдузи Женнифер Лопес билан бирга «Паркер» фильмида суратга тушди. Кинокартина Жейсон фаолиятидаги энг яхши фильмлардан бири бўлмаса ҳам актёр шу кинокартина туфайли Москвага ташриф буюрган. У янги фильм премьерасида қатнашишдан ташқари «Тунги Ургант» шоусининг суратга олиш жараёнига ҳам ташриф буюришга муваффақ бўлди.
Қўрқувни енгиш
Актёр каскадёрларнинг ёрдамидан воз кечиб барча трюкларни ўзи бажаришга ҳаракат қилади. Жейсон ҳеч нарсадан қўрқмайди, лекин унда аввал акрофобия (баландликдан қўрқиш ҳисси) бор эди.
У 2016 йилда «Механик: Тирилиш» фильмида рол ўйнади ва шу кинокартина туфайли қўрқувини енгди. Кейинроқ актёр саҳналардан бирида қўллари терлаганидан жуда хавотирга тушганини айтди.
Жиноятчилар билан учрашув
Жейсон «Ўлим пойгаси» фильмида суратга тушаётган вақтда, ролга яхшироқ киришиш учун қаттиқ режимдаги хавфсизлик колониясига борган. У кўплаб жиноятчилар ва қотиллар билан мулоқот қилган.
Забт этилмаган юрак
Келишган актёрнинг кўплаб мухлислари унга кўнгил қўйган. Стетхем кўплаб машҳур аёллар билан учрашган. Аммо уларнинг ҳеч бири унинг қалбини забт эта олмади.
Роузи билан танишув
Жейсон 2010 йилда, ижтимоий тадбирлардан бирида модель Рози Хантингтон-Уайтли билан учрашади ва у актёрни ҳайратда қолдиради. Актёр бир неча бор унга ўхшаган аёлларни ҳеч қачон учратмаганини айтган.
Жуфтликнинг орасидаги 20 йиллик фарққа қарамай, Рози ҳам Жейсонни севиб қолди ва у билан муносабатларини бошлади. Дастлаб, ҳеч ким бу севгига ишонмади, мухлислар бу актёрнинг ёш ва гўзал қиз билан узоққа бормайдиган муносабати деб ўйлади.
Бир умрлик севги
Жуфтликнинг ҳаёти ҳавас қиладиган даражада бўлмаса ҳам улар қийинчиликларни енгиб ўтишга ҳаракат қилди. Жейсон ва Роузи 2016 йилда унаштирилганини эълон қилди ва бир йилдан сўнг уларнинг биринчи фарзанди — ўғли Жек туғилди.
Роузи ва Жейсоннинг мухлислари улар қачон тўйини ўтказишини кутмоқда, бироқ улар бу масалада шошилмаяпти. Жуфтликнинг иккинчи фарзанди — қизи Изабелла 2022 йилнинг февраль ойида дунёга келди.
Тадбирдаги келишмовчилик
Актёр 2008 йилда Playбой томонидан ташкил этилган, Хью Хефнер саройида бўлиб ўтган тадбирдан чиқариб юборилган. Бунга Жейсоннинг фотосессияда қатнашишдан ва журналистлар билан мулоқот қилишдан бош тортгани сабаб бўлган.
Мавзуга доир:
- Голливуд юлдузи Жейсон Стетхем ва Рози Ҳантингтон-Уайтли иккинчи марта ота-она бўлди
- Жейсон Стетхем Мирамахънинг янги триллерида асаларичига айланади
- Голливуд юлдузи Жейсон Стетхем ва модель Рози Ҳантингтон-Уайтли иккинчи марта ота-она бўлади
- «Форсаж» юлдузи Жейсон Стетхем Туркиядаги ўқ ўтмайдиган виллада дам олмоқда
Изоҳ (0)