“Уддабурон болалар” — жосуслик ҳақидаги бир қатор комедик фильмларни ўз ичига олган франшиза. Жами 4 та фильм ва битта анимацион сериал чиқарилган. 2001 йилда “Уддабурон болалар” фильмининг биринчи қисми экранларга чиққанидан кейин ундаги суперқаҳрамонлар катта машҳурликка эришди ва мазкур фильмга асосланган китоблар, комикслар ва видеоўйинлар яратилди. Қуйида 21 йил ўтиб жосус болалар образини гавдалантирган актёрларнинг бугунги кундаги фаолияти билан танишамиз.
Дэрил Сабара — Жуни Кортес
Актёр Дэрил Сабара карьерасида Жуни Кортес образи энг асосий роль бўлиб қолди. У “Энг яхши ота”, “Яшил жаҳаннам”, “Жон Картер” ва “Мачете” каби фильмларда суратга тушган. Актёр бир нечта фильмларда дубляжда иштирок этган. Хусусан, у “Немони излаб” мультфильмида ҳам озов берган. Дэрил хонанда Меган Трейнор билан 2016 йилда турмуш қургандан сўнг бошқа фильмларда роль ўйнамаган.
Алекса Вега — Кармен Кортес
Кўпчилик Алексани “Уддабурон болалар” франшизасидаги ролидан эслайди, гарчи унинг карьераси бундан олдинроқ бошланган бўлса ҳам. Унинг биринчи ишлари орасида “Смерч”, “Робот ҳаёти” ва “Океан тубида” каби фильмлар бор. Ҳозирда Алекса нафақат актриса, балки қўшиқчи ҳамдир. У собиқ Биг Тиме Руш актёри ва қўшиқчи Карлос Пенавега билан турмуш қурган. Оила қургач, Дерилдан фарқли равишда Алекса киноларда янада фаол иштирок эта бошлаган. Ҳозирда у уч нафар фарзанди тарбияси билан машғул.
Рикардо Монтальбан — Валентин Авеллан
“Уддабурон болалар: ўйин тугади” фильмида энг эсда қоларли образни гавдалантирган актёр Рикардо Монтальбан эди. У Валентин Авеллан бобо ролини ўйнаган ва фильмда виртуал ўйин туфайли қисқа муддатга оёққа туриб, ногирон бўлишига сабабчи бўлган собиқ дўстини излаб топган.
Актёр 70—80 йилларда кино карьерасида фаол ижод қилган. У “Фантазиялар ороли”, “Жанг майдони”, “Сирли кўча”, “Нептун қизлари” каби фильмларда суратга тушган. Рикардо Монталбан 2009 йил 14 январда 88 ёшида вафот этган.
Сильвестр Сталлоне — Кибердаҳо
Миллионлаб томошабинлар қалбидан жой олган, асосан жангари фильмлари орқали танилган Голливуд актёри Сильвестр Сталлоне учун “Уддабурон болалар” фильми умуман ўзгача йўналишда ўзини намоён этишига сабаб бўлган. У “Рокки”, “Рембо” каби фильмларда роль ижро этган. Бугунги кунда Сильвестр фильмларда роль ўйнашни ва машҳур тадбирларда иштирок этишни давом эттирмоқда.
Кортни Жайнс — Деметра
Карьерасини эпизодик роллардан бошлаган Кортни Жайнс “Уддабурон болалар: ўйин тугади” фильмидан 3 йил ўтгач актёрлик фаолиятига нуқта қўйди. 2012 йилда ўзининг продюсерлик агентлигига асос солди. Сўнг 2014 йилда бир муддатга санъатга қайтиб, “Седи, ухла” номли қисқа метражли фильмда суратга тушди.
Райан Пинкстон — Арнольд
Райан Пинкстон карьерасини 2003 йилда бошлаган. “Уддабурон болалар: ўйин тугади” фильмидан ташқари у “Делириум”, “Сирли портал”, “Сартарошхона” фильмларида иштирок этган. Ҳозирда Райан актёрлик карьерасини давом эттириб келмоқда.
Бобби Эднер — Фрэнсис
Бобби Эднер “Уддабурон болалар” дан кейин фильмлардаги фаолияти кескин пасайиб кетган яна бир актёрлардан бири. У аввал бир қанча фильм ва телесериалларда роль ўйнаган, “Ёш артист” мукофотига номзод бўлган. Шундан сўнг у фақат реклама роликларида пайдо бўлди ва икки марта дубляжда қатнашди. 2013 йилда Бобби Эднер ўз соҳасини бутунлай ўзгартириб, фитнес-тренер касбини танлади.
Антонио Бандерас — Григорио Кортес
Испаниялик актёр Антонио Бандерас “Филаделфия, “Вампир билан интервью”, Роберт Родригес режиссёрлигидаги “Таптортмас” ва “Зорро ниқоби” фильмларида суратга тушган. “Оғриқ ва шараф” драмаси учун “Оскар” мукофотини олган. Сўнгги йилларда Бандерас “Индиана Жонс” ва “Перудаги Паддингтон”да роль ижро этди.
Карла Гуджино — Ингрид Кортес
Карла Гуджино 1989 йилда кино саноатига кириб келди. “Уддабурон болалар” франшизасида эса катта ютуқларга эришди. Вазиятдан унумли фойдаланган актриса ҳамкасбларидан фарқли ўлароқ, кейинги бир неча йил ичида “Музейда бир тун”, “Гуноҳлар шаҳри”, “Қўриқчилар” ва “Гангстер” фильмларида роль ўйнади.
Эмили Осмент — Герта Гигглс
Актриса Эмили Осмент “Уддабурон болалар” франшизасининг икки қисмида суратга тушди. Шундан сўнг унга “Ҳанна Монтана” сериалида бош қаҳрамоннинг дугонаси роли таклиф этилди. 2000 йиллар бошида Эмили Осмент Disney’нинг энг бой юлдузлари рўйхатига киритилган.
Изоҳ (0)