Дедпул костюми ва ҳақиқий камон: актёрлар суратга олиш майдончасидан нималарни олиб кетади?

Баъзан битта фильмни суратга олиш жараёни бир йилдан ортиқ давом этади. Актёрлар эса шу вақт ичида иккинчи уйига айланган суратга олиш майдонига жуда кўникиб қолади ва ҳаётининг бир парчасига айланган лойиҳа билан хайрлашиш мураккаб кечади. Шунинг учун кўплаб Голливуд юлдузлари фильмдан эсдалик сифатида ўзлари билан бирор предметни олиб кетади.

Райан Рейнолдс — Дедпул костюми

“Дедпул” Райан Рейнолдс ўйнаган фильмлари орасида энг юқори рейтингга эгадир. Суратга олиш ишлари тугагач, актёр Дедпул костюмини ўзи билан бирга олиб кетган. Райан, чамаси, ҳаётда ҳам супер қаҳрамон бўлиб қолишни истайди.

“Мен бу фильмни суратга олишларини 11 йил кутганман, шу сабабли костюмни ўзим учун қолдирдим”, — дейди актёр.

Кичик Роберт Дауни — улкан А ҳарфи

Актёр Marvel оламига ўзгача меҳр қўйганлиги шубҳасиз — у шахсий кабинетига Қасоскорлар (Avengers) штаб-квартирасидаги улкан “А” ҳарфини осиб қўйгани ҳақида мақтанган эди. Мазкур эсдалик “Қасоскорлар: Алтрон даври” фильмини суратга олингандан сўнг олиб кетилган.

Александр Скарсгард — камар

“Ҳақиқий қон” номли вампирлар ҳақидаги сериал тугагач, актёрлар жамоасининг ҳар бир аъзоси уйига эсдалик совғасини олиб кетди. Улар асосан қилич ва шу каби ҳарбий қуролларни танлашган. Александр Скарсгард эса фақат қонли камарга эга бўлган.

“Улар менинг фильмга бўлган ҳиссамни шундай тарзда баҳолашди”, — дея ҳазиллашади Скарсгард.

Лили Жеймс — юбка ва кофта

Американинг “Пем ва Томми” номли мини-сериалда Памела Андерсон образини гавдалантирган Лили Жеймсга 2000 йилларнинг модаси жуда ёққан ва сёмкалардан сўнг бир нечта кийим-кечакларни ўзи билан олиб кетган.

Женнифер Лоуренс — камон

Актриса Женнифер Лоуренс “Ҳаёт-мамот ўйинлари” фильмида ўз образига тегишли турли костюмларни ўзлаштириб олган.  Масалан, актриса бисотида ов учун чарм куртка, этик ва ҳатто камон ҳам мавжуд.

Том Ҳолланд — Тони Stark кўзойнаги

Том Ҳолланднинг уйи “Ўргимчак одам” фильмига оид реквизитларга тўла.

“Менда Ўргимчак-одам костюмидаги веб-шутер (ўргимчак тўридан қурол) тўплами ҳамда Тони Starkнинг кўзойнаклари ҳам бор”, — дея тан олди актёр.

Том ўргимчак-одамнинг костюмини ҳам ўзи билан олиб кетишга уринган, аммо бунинг уддасидан чиқа олмаган.