Француз мода уйи Balenciaga яна бир бор интернетни қизғин муҳокамага сабаб бўладиган аксессуар билан ҳайратга солди. Бренд эркаклар учун мўлжалланган Marché Packable Tote Medium номли сумкасини тақдим этди. Унинг нархи 995 АҚШ долларини ташкил этади.
Сумка ташқи кўринишидан оддий кўк рангдаги, бир оз ғижимланган харидлар учун пакетни эслатади. Аммо у арзон пластикдан эмас, балки юқори чидамли полиамид ва дайнима материалларидан тайёрланган.
Ишлаб чиқарувчиларнинг таъкидлашича, сумка 10 килограммгача оғирликни кўтара олади. Унинг узунлиги 52,8 см, эни 50 см бўлиб, ихчам қилиб йиғиладиган тузилма ва ички чўнтакка эга. Аксессуарнинг олд қисмида Balenciaga логотипи ҳамда Париждаги бренд дўконларининг манзиллари ёзилган.
Balenciaga илгари ҳам интернетда катта шов-шувга сабаб бўлган, ноодатий дизайнли буюмларни ишлаб чиқарган. Масалан, 925 доллар турадиган “сочиқ-юбка” (towel-skirt bag коллекцияси ижтимоий тармоқларда кўплаб танқид ва ҳазилларга сабаб бўлган.
“Пакет-сумка” чекланган миқдорда ишлаб чиқарилган ва ҳозирча фақат олдиндан буюртма (pre-order) асосида сотилмоқда.
Изоҳ (0)