40 ёшдан кейин аёл организмида муҳим ўзгаришлар бошланади. Шунинг учун бу даврдан бошлаб саломатликка нисбатан ёндашув ҳам жиддийроқ бўлиши керак. Касалликларни эрта аниқлаш ва уларнинг олдини олишда қуйидаги тиббий текширувлар айниқса муҳим ҳисобланади. Тиббий таҳлиллар кўрсаткичларини кузатиб бориш, керак бўлганда, ўз вақтида даволаниш ва энг муҳими — касалликни даволашдан кўра, унинг олдини олиш осонроқ эканини унутмаслик лозим.
Ўрта ёшдаги аёллар албатта қуйидаги текширувларга эътибор қаратишлари керак:
Суюқлик ситологияси асосидаги онкоситология — бачадон бўйни саратонини эрта аниқлаш усули. Бу усул саратонга айланиши мумкин бўлган ўзгаришларни аниқлаб, эрта босқичдаёқ даволашни бошлаш имконини беради.
Маммография — кўкрак бези саратонига қарши курашда муҳим текширув. Шифокорлар 40 ёшдан бошлаб ҳар 2 йилда бир марта маммография ўтказишни тавсия этишади.
Кичик тос аъзоларининг УТТ текшируви — тухумдонлар ва бачадон ҳолатини текшириш учун. Бу текширув кисталар, миомалар каби муаммоларни жиддий босқичга ўтишидан олдин аниқлашга ёрдам беради.
Темир танқислиги (гемоглобин, ферритин, зардоб темири) — организмдаги темир миқдорини кузатиб бориш муҳим. Темир танқислиги камқонликка олиб келади, бу эса умумий ҳолат ва ҳаёт сифатига салбий таъсир қилади.
D витамини — суяк тўқимасини мустаҳкамлаш ва иммун тизимни қўллаб-қувватлашда муҳим рол ўйнайди. D витамини танқислиги кўплаб муаммоларга сабаб бўлиши мумкин.
Яна нималарни текшириш керак? Қўшимча муҳим таҳлиллар рўйхати:
Умумий қон таҳлили (Эритроцитлар чўкиш тезлиги ва лейкоцитар формуласи билан).
Биокимёвий қон таҳлили, жумладан: юқори сезгирликдаги C-реактив оқсил, гликировка қилинган гемоглобин А1c, қондаги глюкоза, липид профили, албумин, умумий оқсил, мочевина, креатинин, пешоб кислота, шчелочная фосфатаза, умумий билирубин.
Б ва C гепатитига (Анти-HCV) умумий таҳлиллар.
Урогенитал йўллар микрофлораси таҳлили, масалан: Фемофлор-8.
Витаминлар ва микроэлементлар миқдори: темир, ферритин, гомоцистеин, Д витамини, натрий, калий, хлор, кальций, магний.
Эндокрин тизим ҳолатини кўрсатадиган таҳлиллар: ТТГ, Т4 эркин, ФСГ, LG, эстрадиол, антимюллер гормони.
Бачадон бўйни саратонини текшириш скрининги: ПAP-тест (суюқлик ситологияси) ва ОИВ тести.
Умумий сийдик таҳлили.
Иккала кўкрак бези учун маммография.
Бўйин томирларининг дуплекс тадқиқоти.
ЭКГ (электрокардиограмма).
Қалқонсимон без, кўкрак безлари, қорин бўшлиғи органлари, бачадонни УТТ текшириш (шу жумладан трансвагинал усулда).
Кўплаб соғлиқ билан боғлиқ муаммоларни эрта босқичда аниқлаш мумкин — бу эса орган ва тўқималарда қайтарилмас ўзгаришлар содир бўлишидан сақлайди. Мунтазам профилактик текширувлар — узоқ, фаол ва бахтли ҳаёт учун энг самарали усуллардан биридир. Шунингдек, соғлом турмуш тарзини, мувозанатли овқатланиш ва жисмоний фаолликни ҳам унутмаслик лозим.
Изоҳ (0)