Хитойлик эркак виртуал ўйин яратувчиларини 5 минг марта шапалоқ егани учун судга берди

У Three Kingdoms Kill Online ўйинини 15 йилдан бери ўйнаб келмоқда, аммо виртуал “калтаклар” функцияси унга фақат эндигина руҳий зарар етказишни бошлади.

Жабрланувчи эркак Three Kingdoms Kill Online ўйини яратувчиларига қарши судга мурожаат қилиб, 4800 мартадан ортиқ виртуал равишда “уриш” туфайли депрессияга тушганини айтди.

Қиаобен тахаллуси остида танилган фойдаланувчи 15 йилдан бери Three Kingdoms Kill Online рейтингида энг юқори ўринда туради. Бу вақт давомида эркак киши ўйин билан вақт ўтказишни ёқтирар эди. Бироқ яқинда ҳар бир ғалабадан кейин рақиблар унинг аватарига турли нарсалар, хусусан тухум ва сомон пойабзалларни отишни бошлагани безовта қила бошлади. Бу эса унинг қаҳрамонининг юзига кучли виртуал таъсир етказишига олиб келди.

Фойдаланувчи ўйнаган ўйинлар сонига асосланиб, сўнгги олти ой ичида уни 5000 марта “уришганини” таъкидлайди. “Ҳар сафар мени тухум билан уришганда, ўзимга бўлган ҳурматимга зарар етказилганини ҳис қиламан ва депрессияга тушаман”, деди у.

Ўйинчи фикрича, ўйин яратувчилари ҳақоратли нарсалардан фойдаланиш имкониятини сақлаб қолишмоқда, чунки бу уларнинг даромад манбаларидан биридир: тухум ва сомон пойабзалларни фойдаланувчилар арзон нархда сотиб олишлари мумкин.

Судга мурожаат қилишдан олдин фойдаланувчи ўйиннинг техник ёрдам хизматига бир нечта шикоятларни юборди, лекин улар эътиборсиз қолдирилди. Шунда Қиаобен компанияга қарши даъво аризаси бериб, ахлоқий зарарни қоплашни талаб қилди. Бироқ у ўйин туфайли етказилган зарарни қандай миқдорда баҳолаганлиги аниқланмаган.

Бу ўйин милоддан аввалги 220-265 йиллардаги Three Kingdoms даврида бўлиб ўтадиган кўп ўйинчили жанговар ўйин. У 2009 йилда Хитойнинг шарқида жойлашган Ханжоу шаҳридаги компания томонидан ишлаб чиқилган. Ўйиннинг ҳар бир ўйинида ўртача тўрттадан саккизгача ўйинчи қатнашади ва 30 минутгача давом этади.

Илгари олимлар видеоўйинлар руҳий ҳолат учун фойдали эканлигини ва уларнинг ақлий ҳолатга медитация каби таъсир кўрсатишини исботлагандилар. Тадқиқот натижаларига кўра, кунига атиги бир соат видеоўйинлар ўйнаш руҳий саломатликка ижобий таъсир кўрсатади.