Диетологлар уйқусизлик билан курашаётган инсонларга кечки овқат вақтида бўтқа истеъмол қилишни тавсия қилмоқда. Маълум қилинишича, бўтқа уйқу сифатини яхшилашга ёрдам бериши ҳақида фикр билдирди. Бу ҳақда The Sun нашри хабар бермоқда.
Спорт диетологи Бенжамин Бантингнинг таъкидлашича, кўпчилик бўтқанинг фойдали эканлигини билса-да, уни асосан нонуштада истеъмол қилишни маъқул кўради. Бироқ, унинг фикрича, одамлар муҳим бир жиҳатни, я`ни бўтқа нафақат қувват беради, балки уйқуни яхшилаш хусусиятига ҳам эга эканлигини эътибордан четда қолдирмоқда.
“У кальций, магний, фосфор, кремний ва калийга бой. Бу микроэлементларнинг ҳар бири тунги дам олиш сифатини ошириши мумкин. Масалан, фосфор ва кремний асаб тизимини мувозанатга келтиришга, стресс ва ташвишни камайтиришга ёрдам беради”, дейди Бантинг.
Бундан ташқари, диетолог кечки енгил таом сифатида тўлиқ донли нон ва бананларни тавсия этади, чунки улар уйқу учун фойдали бўлган магний ва кальцийни ўз ичига олади. Шунингдек, уйқу гормони — мелатонин миқдорини оширувчи олчани ҳам истеъмол қилиш мумкин. У сут маҳсулотлари ҳам мелатонин даражасини кўтаришга ёрдам бериши, шу сабабли уларни ҳам кечқурун истеъмол қилиш мумкинлигини қўшимча қилган.
Изоҳ (0)