Мейн-кунлар табиатан йирик гавдаси ва дўстона феъл-атвори билан ажралиб туради. Уларнинг вазни тахминан 4,5 дан 12 килограммгача етади, бўйи эса 25 дан 40 сантиметргача бўлади. Мейн-кунлар ўзининг қалин мўйнаси, узун думи ва катта қулоқлари уларни бошқа мушуклардан фарқлаб туради.
Ҳозирда дунёдаги энг йирик мейн-кун — Италияда яшовчи Баривел лақабли мушукдир, унинг узунлиги 1,2 метрга тенг. Баривел 2016 йил кузида туғилган ва икки йил ўтгач, дунёдаги энг узун мушук унвонига сазовор бўлган.
Баривел мушуклар учун мўлжалланган махсус ем билан озиқланади, балиқ ва товуқни жуда хуш кўради. Унинг исми “масхарабоз” деган маънони англатади ва эҳтимол, эгаларининг кайфиятини кўтариш қобилияти туфайли шундай номланган.
Аввалроқ дунёдаги энг катта мейн-кун сифатида Британияда яшаган Лудо исмли мушук тан олинган, унинг узунлиги 118,3 сантиметр эди.
Узун думли мушуклар орасида рекорд АҚШда яшовчи Мистер Пагсли лақабли мушукка тегишли — Пагсли думининг узунлиги 46,99 сантиметрни ташкил қилади.
Изоҳ (0)