Труэтт Ҳейнс исмли АҚШ фуқароси 2025 йил 1 февраль куни Юта штатининг Солт Лейк шаҳрида 24 соат ичида 10 001 марта турникка тортилиш орқали янги жаҳон рекордини ўрнатди. Бу ҳақда Гиннеснинг рекордлар китоби сайти хабар берди.
Бундан аввал у 2021 йилда 8 100 марта турникка тортилиш орқали рекорд ўрнатган эди. Аммо бу натижа узоқ давом этмади. Бир неча кун ўтиб, австралиялик Гарри Лойд 24 соат ичида 8 600 марта турникка тортилиб, Ҳейнснинг натижасини ортда қолдирди. Аммо жорий йилда америкалик спортчи рекордни қайтаришга муваффақ бўлди.
Ўзим ҳақимда шуни айтишим мумкинки, мен ҳеч қачон таслим бўлмайман. Балки мен ноёб қобилият ёки кучга эга эмасман ва ҳаётим давомида ҳам менга ҳеч қачон осон бўлмаган, бироқ тақдир ўз мақсадларимдан воз кечмаслик имкониятини берди, деди рекордчи.
Аввалроқ Американинг Миннесота штатида яшовчи икки яшар мейн-кун зотли мушук дунёдаги энг узун дум эгаси деб тан олинган эди.
Изоҳ (2)
vav qoyil
vav qoyil