Шанхайдаги Зонгҳуи номли ресторанга ташриф буюрган меҳмон унга келтирилган яримта товуқдан тайёрланган таомининг нархидан ғазабланди. У официантлар билан узоқ вақт баҳслашди ва нархини туширишга уринди, аммо охир-оқибат 66 доллар тўлашга мажбур бўлди.
Ресторан вакиллари таомнинг қиммат нархини унинг таркибида “ғайриоддий шароитда етиштирилган товуқ гўшти бор”лиги билан изоҳлади. Уларнинг сўзларига кўра, товуқ гўёки “классик мусиқа тинглаб катта қилинган ва сув ўрнига сут ичган”.
Бош ошпаз ушбу таом учун ишлатган товуқ кунгабоқар товуқ деб аталувчи ноёб тур саналади. У кўпинча “Мишлен” юлдузига эга ресторанларда пиширилади. Уни император товуғи деб ҳам аташади. Мазкур тур ўзининг мазали таъми ва юмшоқлиги билан ажралиб туради.
-saK57aWA.avif)
Бундай товуқлар кунгабоқар пояси ва гулидан олинган шарбат билан озиқлантирилади. Уларни боқиш жараёнида фермерлар паррандаларга классик мусиқа эшиттиришади.
Натижада, ресторандаги эркак буюртма учун пулни тўлиқ тўлашга мажбур бўлди, аммо унинг ғазаби босилмади. Ресторан ходимлари эса қисман ёлғон гапирган, чунки товуқлар ҳеч қачон сут билан озиқланмайди, дейилади хабарда. Меҳмон ходимларнинг уни алдашга уринганидан қаттиқ жаҳли чиқди ва таом сурати ҳамда бўлиб ўтган воқеа билан ижтимоий тармоқда бўлишди.
Изоҳ (0)