Голливуд юлдузлари фильм ва сериалларда суратга тушишдан аввал саломатлигини доим суғурта қилади. Бироқ шундай актёрлар боки, улар жиддий жароҳат олиш хавфига қарамай, ўз трюкларини мустақил бажаришни истайди ва дублёр актёрларни рад этади. Қуйида жанг санъати маҳорати билан танилган ва каскадёрлик трюкларни мустақил бажарадиган довюрак актёр ва актрисаларни санаб ўтамиз.
Дензел Вашингтон
Актёр “Тўхтатиб бўлмас” фильмидаги барча хавфли ҳаракатга тўла саҳналарни ҳеч қандай ёрдамсиз ижро этган.
Ҳаррисон Форд
Голливуд юлдузи Ҳаррисон Форд “Индиана Жонс” фильмида кўплаб жанговар саҳналарни ўйнаган ва ҳатто баъзиларини импровизация қилган.
Брюс Уиллис
Уиллис “Чақилмас ёнғоқ” фильмидаги жанг саҳналарида мустақил суратга тушган. Hollywood Reporter нашри маълумот беришича, актёр доим суратга олиш майдонини барча ерлари кўкарган ҳолда тарк этган.
Жейсон Стейтем
Британиялик актёр яшил экранда махсус эффектлар яратиш ёки каскадёр ёллаш учун бюджети етарли бўлмагани учун у ўзининг биринчи фильмидаги барча трюкларни бажаришга қарор қилган.
Силвестр Сталлоне
Сталлоне “Чегарасиз” франшизасидаги барча хавфли ҳаракатга тўла саҳналар учун дублёрдан фойдаланиш таклифидан бош тортган.
Арнольд Шварценеггер
Собиқ бодибилдер ва жанговар юлдуз Арнольд Шварценеггер бир неча бор дублёр ёрдамидан воз кечган. 2013 йилда “Қаҳрамоннинг қайтиши” фильмини суратга олиш чоғида актёр юқори баландликда арқонларга осилган ва машиналарни ўта катта тезликда ҳайдаган.
Дэниэл Крейг
Юлдуз The Telegraph нашрига берган интервьюсида таъкидлашича, агар фильмда актёр жисмоний қийинчиликка дуч келиши лозим бўлса, у буни қабул қилади ва қўлидан келганча барча трюкларни ўзи бажаришга ҳаракат қилади.
Кристиан Бэйл
Кристиан Бэйл Бетмен ҳақидаги трилогияда кўп марта дублдан фойдаланган бўлса-да, у аксарият мураккаб ҳаракатли саҳналарни мустақил ижро этган.
Жон Сена
Профессионал курашчи Жон Сена аксарият фильмларида хавфли саҳналарни суратга олишда муаммоларга деярли дуч келмайди.
Жош Хатчерсон
Актёр “Ҳаёт-мамот ўйинлари” фильмидаги ўзининг барча жанговар саҳналарини дублёрлардан фойдаланмасдан суратга тушган.
Ҳью Жекман
“Ғаройиб одамлар ” франшизасида Ҳью Жекман Росомаханинг аксарият жанговар саҳналарини ўзи ижро этган.
Киaну Ривз
Актёр “Жон Уик” жанговар сериалидаги каскадёрлик трюкларининг аксариятини мустақил бажарган.
Анжелина Жоли
Актриса “Солт” фильмини суратга олиш вақтида ҳаракатланаётган юк машинасидан сакраб ўтган.
Тейлор Лотнер
Актёр “Таъқиб” фильмининг хавфли саҳналарини ўйнашда каскадёр ёрдамидан бош тортган.
Том Круз
Актёр “Уддалаб бўлмас топшириқ” фильмида 1240 метр баландликдаги қоя тепасидан мототцикл ҳайдаб, жардан пастга парашютда сакраган.
Камерон Диас
“Кун рицари” фильмида актриса Том Круздан ўрнак олди ва мототциклдаги мураккаб ҳаракатли саҳналарда дублёр ёрдамидан бош тортди.
Брюс Ли
Жанг санъатининг афсонаси ҳеч қачон фильмлардаги тўқнашув саҳналарида каскадёрлардан фойдаланмаган.
Жеки Чан
Гонконглик актёр фильмдаги барча мураккаб каскадёрлик ишларини мустақил бажарган ва турли жароҳатлар олишдан ҳеч қачон қўрқмаган. У ҳатто бир неча марта опрацияларни ўтказса ҳам, кино саноатидан кетмаган ва жанговар фильмларда қайта ва қайта ажойиб образларни гавдалантирган.
Изоҳ (0)