Эҳтимол, сиз ҳам биринчи маошингиздан нима олишни олдиндан ўйлагандирсиз. Энди тасаввур қилинг, сиз Голливуд актёрисиз ва ҳақиқатда олган маошингизга бир нечта нол қўшинг. Хўш унда нима сотиб олган бўлардингиз? Машҳур бренд кийимларими? Ёки сўнгги русумдаги машинами?
Қуйида дунёнинг етакчи кино юлдузлари ўзининг биринчи гонорарига нима сотиб олгани ҳақида маълумот берамиз.
Никол Кидман
Ишбилармон Никол биринчи катта гонорарини ҳавога совурмади, балки ота-онасига кир ювиш машинасини сотиб олди. Аммо кейинчалик актриса ўзини ҳам унутмади ва бир неча жуфт пойабзалга пул сарфлади, улар Кидманга “ҳаётида кўрган энг зўр пойабзал” бўлиб туюлган. Ҳозирда “Оскар” соҳибасининг бойлиги 250 миллион доллардан ошади.
Метт Деймон
Голливуддаги илк йирик гонорари — 25 000 долларни Метт 1990 йилда “Чиқаётган қуёш” телефильмидаги иштироки учун олган. Бу пулларни у укасига машина совға қилишга сарфлади, шунингдек, онасига аспирантурада ўқишга ёрдам берди. “Бу ҳақиқатан ҳам ажойиб туйғу эди”, дейди ҳозирда бойлиги 170 миллион долларга тенг бўлган актёр.
Киллиан Mёрфи
“Мен грамафонга ўхшаш нарса сотиб олган бўлсам керак. Ёки магнитофон, чунки ўша пайтда грамафонлар ҳозиргидай зўр эмасди”, дея эслайди Киллиан ўзининг актёрлик фаолиятидан олган биринчи катта гонорари ҳақида. Бугунги кунда Оскар мукофоти совриндорининг бойлиги 20 миллион долларни ташкил этади.
Эмили Блант
Эмили суратга тушишдан олган биринчи катта маошини квартира ижараси учун сарфлади. “Бу ота-онамдан алоҳида яшаш учун биринчи имконият эди”, деб айтди бугунги кунда бойлиги 80 миллион долларга етган актриса.
Женнифер Энистон
Женнифер фаолиятининг бошида жуда узоқ вақт — икки йилдан ортиқ — сотувга қўйилган кичкина оқ Mercedes 280 SL машинасига қизиқиб қараб юрди. Ҳар сафар уни кўрганида, бир кун келиб бу чиройли машинани сотиб олишга қурби етишини ўйларди.
Оқибатда айнан шу автомобиль актрисанинг илк йирик хариди бўлиб чиқди. Бироқ “Дўстлар” сериали юлдузи уни атиги бир-икки марта ҳайдашга улгурди, кейин эса у бузилди. Шундай қилиб, Энистоннинг айтишича, узоқ кутилган харид “25 йил аввалги ёқимли хатога” айланди. Аммо бугунги кунда Жен истаган миқдорда Mersedes сотиб олиши мумкин — унинг ҳозирги бойлиги 320 миллион доллардан ҳам ошиб кетган.
Тимоти Шаламе
Дисней рекламаси учун олган биринчи мўмай даромадини Тимоти “Никс” жамоасининг мавсумий чипталарига сарфлади, аммо кейинчалик бундан афсусланди. Гап шундаки, болалигидан Леброн Жеймснинг ашаддий мухлиси бўлган “Дюна” юлдузи ўзининг севимли баскетболчиси “Никс” жамоаси учун Нью Йоркка келишига ишонган эди, бироқ охир-оқибат спортчи бошқа жамоа билан шартнома имзолади. Ҳозирги кунда Шаламе бундай ўйланмаган харажатларни бемалол кўтара олади — унинг бойлиги 20 миллион долларга баҳоланмоқда.
Кирстен Данст
Кирстен суратга тушишни шунчалик эрта бошладики, унинг барча дастлабки пуллари шунчаки коллеж фондига кетди ва кейинги бир нечта гонорарларига у онасига уй сотиб олди. Актрисанинг ҳозирги бойлиги 25 миллион долларга тенг.
Рами Малик
Рами биринчи маошини ўзи яхши кўрадиган эспрессо ичимлигини тайёрлаш учун шахсий қаҳва машинасини сотиб олишга сарфлаган. Қаҳва машинаси учун ингредиентларга “Оскар” ғолиби бемалол истаганча пул сарфлаши мумкин — унинг ҳозирги бойлиги 20 миллион долларни ташкил қилади.
Изоҳ (0)