“Қашқирлар макони” сериали ва кўплаб бошқа машҳур турк лойиҳалари кинорежиссёри, продюсер ва сценарийлар муаллифи Усмон Синав 2025 йил 20 март куни 69 ёшида вафот этди. У узоқ вақт давомида саратон касаллиги билан курашиб келган.
Усмон Синав 1956 йил август ойида Туркиянинг Бурдур шаҳрида туғилган. У Истанбул давлат тасвирий санъат академиясида кино ва телевидение соҳасида таҳсил олган. 1979—1980 йилларда ва 1980 йилдан 1984 йилгача “Графика Линтас” реклама агентлигида копирайтер бўлиб ишлаган. 1984 йилда у ўзининг “Синеграф” номли продюсерлик компаниясига асос солди. Кейинроқ Мимар Синон номидаги санъат университетининг Кино ва телевидение йўналиши бўйича диплом олди. 1980 йилларнинг охиридан бошлаб у режиссёр сифатида фильмлар суратга ола бошлади.
Унинг “Сўйла, қора денгиз”, “Қайсар севги”, “Қизил шафақ”, “Бегуноҳлар”, “Ёсамин”, “Қирол ҳаёти”, “Фаришталар уйи”, “Супер ота”, “Ёлғончи”, “Ижодкор вафоти” ва бошқа кўплаб кино ва сериаллари бир нечта тилларга таржима қилинган.
Изоҳ (0)