Уйсиз Ривз, тишини синдирган Питт, хом жигар еган Ди Каприо — фильмдаги образига ўхшаш учун ҳар нарсага тайёр актёр ва актрисалар (фото)

Голливуд блокбастерида катта рол ўйнаш учун ҳақиқий истеъдодга эга бўлиш ва катта масъулиятни ўз зиммасига олишга қодир бўлиш керак. Шундай актёрлар борки, улар ўз ишига шунчалик иштиёқ билан ёндашадиларки, фильмдаги қаҳрамонига ўхшаш учун ҳамма нарсага тайёр бўлади.

Киану Ривз кўчада яшаган

«Иблис ҳимоячиси» (1997) триллери премерасидан кўп ўтмай, Ривз янги фильмда уйсиз одам ролини ўйнаши керак эди. Ролга яхши тайёргарлик кўриш учун актёр бир неча кунни кўчада ўтказади: «Биринчи кеча даҳшатли эди, чунки одамларнинг уйқусида қичқирганини эшитардим».

Энн Хетеуэй фақат сули пастасини истеъмол қилган

«Хўрланганлар» (2012) мусиқий фильмида Энн Хетеуэй тикувчилик фабрикаси ишчиси қашшоқ Фантине ролини ўйнайди. Ролга кўникиш учун кино юлдузи қаттиқ диетага риоя қилиб, кунига атиги 2 та юпқа сули пастасини истеъмол қилиб, 10 кг вазн йўқотади: «Мен Фантине каби шафқатсиз ҳақиқатга дуч келгандим».

Леонардо Ди Каприо бизон жигарини хомлигича еган

«Омон қолган» (2015) фильмининг саҳналаридан бирида Леонардо Ди Каприо бизон жигарини хомлигича ейди. Актёр желедан тайёрланган сунъий жигар ҳам тайёрланганига қарамай, томошабинлар қалбакиликни пайқаб қолишидан қўрқиб, хом гўшт ейишни танлайди.

Бред Питт ихтиёрий равишда тишларини синдирган

«Жанг клуби» (1999) фильмида жанг саҳналари кўп бўлгани сабабли Бред Питт тиш шифокоридан унинг қаҳрамони кадрда ҳақиқий кўриниши учун олдинги тишларини синдиришни сўрайди. Бироқ актёр фильм суратга олиш тугаганидан кейин тишларини тиклаган.

Эдриэн Броуди уйидан чиқиб кетган ва машинасини сотган

29 ёшида Эдриэн Броди «Энг яхши эркак роли» учун «Оскар»нинг энг ёш ғолиби бўлади. Албатта «Пианиночи» (2002) фильмидаги роли учун берилган бу мукофот унга осонлик билан насиб этмаган: Бунинг учун у квартирасидан кўчиб кетган, машинасини сотган, барча телефонларни ўчириб, бир нечта сумка ва клавиатура билан Европага кетган.

Анжелина Жоли ўзига каскадёрлик қилган

Голливуд юлдузи бир нечта жанговар фильмларда асосий ролларни ижро этган. Улардан бири «Солт» (2010). Унинг мураббийи 99 фоиз трюкларни актрисанинг ўзи бажариши, камдан кам ҳолларда дублёр ёрдамига мурожаат қилишини айтади: У ҳафтасига 3-4 марта 2 соатдан Таиланд бокси ва крав-мага билан шуғулланган.