Фильмларда турли сабабларга кўра дублёрлар хизматидан фойдаланилади. Масалан, вақтни тежаш ва бир нечта саҳналарни параллел равишда суратга олиш ёки харажатларни камайтиришда дублёрлар ёрдами керак бўлади. Айниқса, мураккаб трюкларни бажариш керак бўлганда каскадёрлар ҳам таклиф қилинади. Аммо томошабинлар кўпинча фильмда севимли актёри ёки актрисасини эмас, балки уларнинг дублёрларини томоша қилишаётганини сезмайдилар ҳам.
“Мумия қайтмоқда”
Сувга шўнғиш керак бўлган саҳналар кинодаги энг қийин кадрлар ҳисобланади. Бундай саҳналарнинг хавфли эканини барча режиссёрлар ҳам билмайди, бироқ Стивен Соммерс “Мумия қайтмоқда” фильмининг суратга олиш майдончасида актёрларни доимо хавфсизлик қоидаларига риоя қилади. Бош қаҳрамонлар сув оқими остида қоладиган саҳнада Брендан Фрэйзер ва Рейчел Вайс ўрнига иккита дублёр қўйилган. Буни ҳеч ким сезмаслиги учун режиссёр бу саҳнани бир сониядан кам давом этадиган вақтга жойлаштирди. Бироқ зийрак томошабинлар буни барибир пайқашди.
“Терминатор 2: Қиёмат куни”
Арнольд Шварценеггер “Терминатор 2” фильмини суратга олиш жараёнида улкан тажрибага эга спортчи бўлганига қарамай, у ўз имкониятларидан тўлиқ фойдалана олмаган. Чунки киноижодкорлар доим ҳаётини хавф остига қўя олмайди, шунинг учун иккинчи қисмдаги кўплаб хавфли саҳналарда Шварценеггер ўрнига каскадёрлар трюкларни бажарган. Фильмнинг янги версияларида буни пайқаш қийин, аммо эски версияларда томошабин бошқа чеҳрани сезиши мумкин. Масалан, Т-800 Жон билан мототциклни миниб, уни Т-1000 дан қутқаришга ҳаракат қилган саҳнага эътибор беринг.
“Титаник”
Роуз Жекнинг олдига келиб, ундан француз қизлари каби суратини чиқиб беришини сўрайди ва Жек дарҳол рози бўлади, лекин суратни чизган Ди Каприо эмас эди. Фильмни томоша қилганда бош қаҳрамоннинг қўллари анча катта ёшли одамга тегишли эканини кўриш мумкин. Мазкур саҳнани Ди Каприонинг ўзи суратга олган ва расмни режиссёр Жеймс Кемерон чизган. Қизиғи шундаки, Кемерон чапақай, Лео эса ўнг қўлда ёзадиган одам. Шу сабабли кадр кўзгу каби тескари форматда акс эттирилган.
“Юлдузлар жанги” 1-эпизод: Яширин таҳдид”
Юлдузлар жанги биринчи эпизодининг охирида Палпатин Набу сайёрасига ташриф буюради ва у билан бирга бутун Жедай кенгаши учади. Ҳаммага таниш бўлган қаҳрамонлар орасида янги бир образ пайдо бўлади. Баъзи томошабинлар бу бутунлай бошқа Жедай деб тахмин қилишлари мумкин эди, лекин ушбу персонаж бошқа ҳеч қайси кадрда намоён бўлмаган. Иккинчидан эса, у Мейс Винду билан бир хил кийимда бўлган. Яъни, қаҳрамоннинг дублёри юқоридаги кадрга тушиб қолган. Таққослаш учун, деярли ҳар бир Жедай ўзига хос ташқи белгига эга бўлган.
“Гарри Поттер ва Азкабан маҳбуси”
“Гарри Поттер” фильмида компьютер графикаси жуда кўп қўлланилганига қарамай, актёрлар ўрнига каскадёрлар иштирок этадиган саҳналар кўп. Масалан, “Гарри Поттер ва Азкабан маҳбуси” қисмида актёр Алан Рикман 58 ёшда эди ва у хавфли трюкларни бажара олмас эди. Гарри тўсатдан таёқчасини Siriusдан Северусга йўналтириб, экспеллиармус сеҳрини қўллаганда Северус ортга қаттиқ зарба билан улоқтириб юборилади.
“Қасоскорлар”
Сўроқ пайтида Қора бева шундай салтолар қиладики, Скарлетт Йоханссон дублёр билан алмаштирилганини сезмай қолиш мумкин. Трюклардан бирини стулда бажариш пайтида аёлнинг нотаниш юзи ва мушакдор қўлларини кўриш мумкин, шундагина бу Скарлетт эмаслиги аён бўлади.
“Дўстлар”
“Дўстлар” сериали кенг форматдаги экранлар учун суратга олинган, аммо 90 йиллардан бошлаб стандарт 4:3 форматда трансляция қилинган. Йиллар ўтиб, 4:3 формат бутунлай йўқолиб, унинг ўрнини кенгроқ форматларга эга фильмлар эгаллади ва мазкур сериал янги версияда намойиш этила бошланди, натижада томошабинлар кўплаб дублёрларни пайқай бошлади. Масалан, Фиби ва Моника иштирокидаги саҳналардан бирида кадр Лиза Кудроуга қаратилганда, унинг қаршисида Кортни эмас, балки бутунлай бошқа қиз ўтирганини кўриш мумкин. Эҳтимол, Кортни суратга олиш майдончасини маълум сабабларга кўра вақтинчалик тарк этган ва эпизодни ўз вақтида якунлаш учун оператор кадрни Лиза томон бир оз силжитган. Аммо экранда бошқа актриса пайдо бўлишини ҳисобга олмаган.
“Гарри Поттер ва ҳикматлар тоши”
Бўйи тахминан 183 сантиметр бўлган актёр Робби Колтрейн Ҳагрид роли учун съёмкага доим ҳам ташриф буюра олмаган, шунинг учун унинг ўрнига сўзлашиш бўлмаган саҳналарни Колтрейн эмас, балки унинг дублёри — собиқ регбичи Мартин Бейфилд ижро этган. Унинг устида Ҳагриднинг робот боши ўрнатилган.
“Сумерки”
Эдвард ва Белла ўрмон бўйлаб югуриб кетаётган саҳнада бирдан актёрлар ўрнига уларга умуман ўхшамайдиган одамлар пайдо бўлганини ҳамма ҳам пайқамаган бўлса керак. Иккаласининг ҳам ияклари бир оз бўртганлигидан бу Роберт Паттинсон ва Кристен Стюарт эмас, балки уларнинг дублёрлари эканлиги сезилади.
Изоҳ (0)