Британияда электр ҳаво таксиси пайдо бўлади

Joby Aviation компанияси Virgin Atlantic билан Британияда электр ҳаво таксисини ишга тушириш бўйича келишувга эришди. Бу стартапнинг тижорий ташиш хизматларини ривожлантиришни режалаштирилаётган еттинчи давлати бўлади. Аммо иш бошланишнинг аниқ муддатлари ҳозирча айтилмаган. Биринчи навбатда Joby АҚШ ва БАА бозорларига эътибор қаратади, сўнг Британияда фаолият юрита бошлайди.

Дубайда биринчи синов парвозлари жорий йилнинг охири ёки келаси йилнинг бошига режалаштирилган. АҚШда хизмат 2025 йилда ишга тушиши керак эди, аммо қоғозбозлик ишлари буни кечиктирди. Ўтган йили компания ўз ҳаво кемасидан фойдаланиш ҳуқуқини олишга оз қолганини маълум қилган эди, аммо ҳозиргача расмий тасдиқ йўқ.

Британияда ҳаво хизматини ишга тушириш учун Joby маҳаллий авиация органларидан сертификация олиши керак. Тегишли ариза 2022 йилда берилган. Ҳамкорлик доирасида Virgin Joby хизматининг мамлакатдаги эксклюзив дистрибютори бўлади. Бу Joby ва Virgin Атлантикнинг катта улушига эга бўлган Delta ўртасидаги мавжуд келишувни тўлдиради.

Ҳаво таксиси концепцияси шаҳар марказларидан аэропортларга вертикал учиш ва қўниш имкониятига эга электр самолётларда йўловчиларни ташишни назарда тутади. Биринчи йўналишлар Лондоннинг Хитроу ва Манчестер аэропортларини боғлайди. Кейинчалик тармоқ кенгайиши режалаштирилган. Virgin мижозлари ҳаво ташиш хизматларини компаниянинг мобил иловаси ва веб-сайти орқали буюртма қилишлари мумкин.

Компания янги хизматни фаол равишда илгари суриш, инспекторлар билан ҳамкорлик қилиш ва зарур инфратузилмани яратишга ёрдам беришни режалаштирмоқда. Joby ҳаво кемасининг ўзи пилот, тўрт йўловчи ва кичик юкни ташишга мўлжалланган. Иннотвацион “дирижабл”нинг максимал тезлиги соатига тахминан 320 км. Шундай қилиб, Лидс ва Манчестер ўртасидаги парвоз бор-йўғи 15 дақиқа давом этади.

Хизматнинг тўлиқ миқёсда жорий этилишига ҳали анча вақт бор бўлса-да, Joby ўз мақсади томон ишончли қадамлар қўймоқда. Келажакда компания ҳаво таксисини нафақат Британия ва АҚШда, балки БАА, Жанубий Корея, Япония, Ҳиндистон ва Австралияда ҳам ишга туширишни режалаштирмоқда.