14 март куни Эрон, Россия ва Хитойнинг етакчи дипломатлари Пекинда музокаралар ўтказиш учун йиғилишди. Учрашув натижасида Эроннинг ядровий муаммосига “дипломатик” ечим топилишига умид қилинмоқда. Бу ҳақда Al Jazeera хабар берди.
“Ҳозирги вазиятда барча томонлар Эрондаги ядровий вазиятни кескинлаштирмаслик учун хотиржамлик сақлашлари керак деб ҳисоблаймиз”, деди Хитой Ташқи ишлар вазирлиги расмий вакили Мао Нинг учрашув олдидан журналистларга.
Учрашувда Хитой ташқи ишлар вазири ўринбосари Ма Чжаосю, Россия ташқи ишлар вазири ўринбосари Сергей Рабков ва Эрон ташқи ишлар вазири ўринбосари Козим Ғарибободий иштирок этди. Унда томонлар Эроннинг ядровий муаммоси ва умумий хавотирга молик бошқа масалалар юзасидан фикр алмашдилар.
Маълумот ўрнида, Эрон 2018 йилда АҚШ билан халқаро санкцияларни бекор қилиш эвазига ўзининг ядровий дастурини чеклашга қаратилган келишув имзолаган. Мамлакат Американинг собиқ президенти Барак Обама даврида бу келишувга тўлиқ амал қилди. Аммо Трамп ҳокимиятга келганидан сўнг Эронга нисбатан бир қатор санкциялар жорий қилди. Бунинг оқибатида Эрон ҳам келишувни буза бошлади.
Трамп 10 март куни Эрон олий етакчиси Оятуллоҳ Али Хоманаийга мактуб йўллаб, янги музокаралар ўтказишга чақирди. Унда Трамп Хоманаийни АҚШнинг ҳар қандай ядровий дастурига қарши ҳарбий чоралар кўриш ҳуқуқи борлиги ҳақида огоҳлантирди. Эрон президенти Масъуд Пезешкиён бунга жавобан “таҳдид” остида АҚШ билан музокаралар олиб бормаслигини, шунингдек, АҚШнинг “буйруқлари”га бўйсунмаслигини айтди.
Оятуллоҳ Хоманаийнинг таъкидлашича, Теҳронда ядро қуроли йўқ ва давлат бўлишини ҳам хоҳламайди. Бироқ Халқаро атом энергияси агентлигининг яқинда эълон қилинган ҳисоботида кўра, Эронда ядровий бомба талабларига яқин бойитилган уран захиралари бор.
Изоҳ (0)