АҚШ Давлат котиби Марко Рубио CNN телеканалини президентнинг махсус вакили Стив Уиткофф гўё давлат котиби ваколатларининг бир қисмини ўзига олаётгани ҳақидаги репортажга жавобан “ишончсиз” манбалар асосида ишлайдиган “таблоид” деб атади.
CNN ўз манбаларига таяниб, Рубио “давлат котиби вазифасини бажариб, бутун дунё бўйлаб саёҳат қилаётган” президент Дональд Трампнинг “энг яқин дўстларидан бири” Уиткоффдан устун келиши мумкинлигини хабар қилган.
Таъкидланишича, Рубио “маълум маънода иккинчи ўринга тушиб қолган”, Уиткоффнинг ваколатлари эса Яқин Шарқдаги махсус элчи расмий унвонидан ташқарига чиққан. Номи ошкор этилмаган сенатор телеканалга айтишича, Рубио вазиятдан “хафа бўлган” бўлиши мумкин
"CNN Трампга қарши миш-мишларни тарқатувчи таблоид бўлиб, у мақолаларини ёзишда ишончсиз манбалардан фойдаланади, эътиборни тортиш ва муаммолар келтириб чиқариш учун ишлайди. Уиткофф - жамоамиздаги менга энг яқин инсонлардан бири”, дея ёзган Рубио Х ижтимоий тармоғидаги саҳифасида.
Шунингдек, у CNN жамоасини “ночор одамлар” деб атаган.
Изоҳ (0)