АҚШнинг янги сайланган президенти Дональд Трамп доллар ўрнига муқобил валюта жорий этмоқчи бўлган БРИКС давлатларини огоҳлантирди. Бу ҳақда TRT хабар бермоқда.
Трампнинг таъкидлашича, агар БРИКС давлатлари ушбу режадан воз кечмаса, уларга катта бож тарифлари жорий этилади.
“Биз бу давлатлардан БРИКСнинг янги валютасини яратмаслик ва қудратли АҚШ доллари ўрнини алмаштирадиган бошқа валюталарни қўлламасликни талаб қиламиз.
Акс ҳолда, улар 100 фоизли бож тарифларига тортилади ва АҚШнинг ривожланган иқтисодиётига экспорт қилиш имконияти билан хайрлашади. БРИКС халқаро савдода АҚШ долларини алмаштириши учун ҳеч қандай имконият йўқ. Бу йўлда ҳаракат қилаётган ҳар қандай давлат АҚШ билан хайрлашишга тайёр бўлиши керак”, деди Трамп.
БРИКС 2006 йилда Россия, Хитой, Ҳиндистон ва Бразилия томонидан ташкил этилган давлатлараро иттифоқ ҳисобланади. 2011 йилда унга Жанубий Африка Республикаси ҳам қўшилган. 2024 йил бошидан бошлаб Миср, Эфиопия, Эрон, БАА ва Саудия Арабистони ҳам БРИКСга қўшилди.
Изоҳ (0)