Оқ уй матбуот котиби Каролин Левитт АҚШ таълим вазирлиги болалар таълимига зарар етказган ҳолда солиқ тўловчиларнинг пулларини ўзлаштирган. Бу ҳақда у Fox News телеканали эфирида маълум қилди.
“Таълим вазирлиги бирорта ҳам болани ўқитмаган. У фақат болаларимиз таълимига зарар етказадиган кўпроқ тартибга солиш учун солиқ тўловчиларнинг пулларини ўзлаштирган”, деди у.
Левиттнинг айтишича, федерал идора фаолиятига 1979 йилдан буён уч триллион доллардан ортиқ маблағ сарфланган.
Пайшанба куни Левитт Трамп мамлакат таълим вазирлигини тугатишга қаратилган фармонни имзолашини тасдиқлади. У фармон шарқий вақт билан соат 16:00 да имзоланиши кутилмоқда.
Таъкидланишича, Трамп таълим вазирлигини бутунлай ёпиш учун конгресснинг розилигини олиши керак бўлади. Шу сабабли, Оқ уй вазирлик раҳбари Линда Макмехонга “вазирликни ёпиш ва таълим соҳасидаги ваколатларни штатларга қайтаришга кўмаклашиш учун барча зарур чораларни кўриш” бўйича топшириқ бермоқчи.
Март ойида Макмехон Fox News телеканалига берган интервьюсида АҚШ таълим вазирлиги ходимларининг яқинлашиб келаётган оммавий қисқартирилиши вазирликни бутунлай ёпиш йўлидаги биринчи қадам эканини айтган эди. Илгари АҚШ таълим вазирлиги ўз ходимларини 50 фоизга қисқартиришини маълум қилган. Қисқартиришлар натижасида 4,1 минг ходимдан 2,2 мингга яқини қолади.
Америка таълими кўрсаткичларидан норози бўлган Трамп аввалроқ бу тузилмани бутунлай ёпиш билан таҳдид қилган эди.
Изоҳ (0)