“Реал”нинг собиқ ҳужумчиси Руд ван Нистелрой “ПСЖ” ҳужумчиси Килиан Мбаппенинг “қироллик клуби”га ўтиши ва унинг майдондаги эҳтимолий позицияси ҳақида гапирди.
“Келаси йил Мбаппени “Реал”да кўряпманми? Ҳа. Килиан жуда ақлли футболчи ва инсон ва мен у ҳали жуда ёш бўлгани учун ўз карьерасини яхшилаш ҳақида ўйлаётганига аминман. “Олтин тўп”ни қўлга киритиш учун у “Реал”да ўйнаши керак.
Мбаппе Винисиус ва Родригога мос келадими ва ким “тўққизлик” сифатида ўйнаши керак? Албатта, улар бир-бирига мос келади ва ким “тўққизлик”да ўйнаса, у ўйинларда ўзгаради, чунки Анчелотти ўз футболчиларига ҳужумда катта эркинлик беради. Гоҳида Мбаппе яққол ҳужумчи позициясида ҳаракат қилади, гоҳида Винисиус, бу йилгидек, ҳатто Родриго ҳам олдинги чизиққа ўтиши мумкин. Орқада Беллингеми бўлган бу трионинг тезлиги жуда юқори. Уларнинг ёрдами билан “Реал” ўзининг янги даврини белгилаши мумкин”, — дея ван Нистелрой сўзларини келтирмоқда АС.
ОАВ хабарларига кўра, “ПСЖ” ва Франция терма жамоасининг 25 ёшли ҳужумчиси Килиан Мбаппе “Реал” билан 2024 йилнинг ёзида шартнома имзолаши мумкин. Жорий мавсумда у клуб сафида 46 та ўйин ўтказиб, 43 та гол ва 10 та голли узатмани амалга оширди. Мбаппе чап қанот ва марказий ҳужумчи позицияларида ўйнаган.
Изоҳ (0)