Мадриднинг “Реал” клуби Винисиус Жуниорга янги шартнома таклиф қилмоқчи.
Relevo нашрининг хабарига кўра, “қаймоқранглилар” 24 ёшли футболчининг атрофидагилар билан битимни узайтириш масаласини муҳокама қилиш мақсадида бир неча ой олдин алоқаларни бошлаган.
“Реал” Винисиусни жамоанинг асосий футболчиси эканлиги, натижаларга таъсир кўрсатаётгани, Чемпионлар Лигасида ҳам ўзини кўрсатаётгани учун янги шартнома билан тақдирламоқчи.
Шунингдек, мадридликлар яна иккита мақсадни кўзлаган: битим орқали бошқа клублар, хусусан, Саудия Арабистони жамоаларининг футболчи учун таклифларидан қочиш ва Килиан Мбаппе келганидан кейин у иккинчи планга ўтмаганини билдириш.
Бироқ, ҳозирча вазият олдинга силжимаган. Винисиус таклифни тинглаган ва клубга ташаббус учун миннатдорлик билдирган, бироқ шартномани узатиришга шошилмайди.
Жорий мавсумда бразилиялик футболчи Ла Лиганинг 11 та учрашувида 5 та гол урди ва 4 та голли узатмани амалга оширди.
Изоҳ (0)