Аввалроқ “Ал-Насср” ва Португалия терма жамоаси ҳужумчиси Криштиану Роналду Globe Soccer Awards маросимида бу йилги “Олтин тўп” аслида Винисиусга топширилиши керак бўлганини айтганди.
Испания терма жамоаси ва “Манчестер Сити” клуби ярим ҳимоячиси Родри Криштиану Роналдунинг “Олтин тўп” соврини борасидаги фикрларига муносабат билдирди.
Жумладан, Родри Роналдунинг “Олтин тўп”ни Винисиусга топширилиши кераклиги ҳақида айтган гапларига изоҳ берди.
“Нима ҳам дея оламан, бу мен учун сюрприз бўлди, чунки у бу тизим қандай ишлаши, ғолиб қандай усулда танланишини ҳаммадан ҳам кўпроқ ва яхшироқ билади. Бу йил соврин менга насиб қилиши керак деб ҳисоблаган журналистларнинг баъзилари, балки, вақтида унга ҳам овоз бергандир. Ўйлашимча, ўшанда Криштиану уларнинг қарорини тўлиқ қўллаб-қувватлаган”, дейди испаниялик футболчи.
Маълумот учун, Globe Soccer Awards маросимда Криштиану Роналду 2024 йилнинг энг яхши Шарқ футболчиси ва барча даврларнинг энг яхши тўпурари бўлди. Винисиус эса йил футболчиси деб топилди.
Изоҳ (0)