Месси, Ҳоланд ва Мбаппе топ-3 ликда, Бензема 8 поғона юқорилади. “Олтин тўп”га эҳтимолий даъвогарлар рейтинги янгиланди

Англиянинг Goal нашри “Олтин тўп” учун номзодларнинг янгиланган рейтингини эълон қилди.

Рейтингни ҳамон “ПСЖ” ҳужумчиси Лионель Месси бошқариб бормоқда. Кейинги ўринлардан Эрлинг Ҳоланд (“Манчестер Сити”) ва Килиан Мбаппе (“ПСЖ”) жой олган.

Рейтингда “Реал” форварди Карим Бензема сезиларли ўсишга эришган. “Олтин тўп”нинг амалдаги соҳиби бир йўла 8 поғона юқорилаб, 5-ўринга кўтарилди. Ўтган галги рейтингда 17-поғонага лойиқ кўрилган Кевин де Брюйне (“Манчестер Сити”) 8-ўринда қайд этилган.

Қуйида топ-20 лик рейтинг билан танишинг:

1. Лионель Месси (“ПСЖ”, ўтган ойдаги рейтинги — 1);
2. Эрлинг Ҳоланд (“Манчестер Сити”, 2);
3. Килиан Мбаппе (“ПСЖ”, 3);
4. Винисиус Жуниор (“Реал”, 5);
5. Карим Бензема (“Реал”, 13);
6. Виктор Осимҳен (“Наполи”, 4);
7. Хвича Кварацхелия (“Наполи”, 6);
8. Кевин де Брюйне (“Манчестер Сити”, 17);
9. Маркус Рэшфорд (“Манчестер Юнайтед”, 7);
10. Роберт Левандовски (“Барселона”, 10);
11. Каземиро (“Манчестер Юнайтед”, 9);
12. Бруну Фернандеш («Манчестер Юнайтед, рейтингда илк бор);
13. Букайо Сака (“Арсенал”, 10);
14. Николо Барелла (“Интер”, рейтингда илк бор);
15. Хулиан Альварес (“Манчестер Сити”, 19);
16. Жамал Мусиала (“Бавария”, 11);
17. Жуд Беллингҳем (“Боруссия”, 12);
18. Майк Менян (“Милан”, рейтингда илк бор);
19. Мартин Эдегор (“Арсенал”, 16);
20. Жек Грилиш (“Манчестер Сити”, рейтингда илк бор).

“Олтин тўп” соврини France Football нашри томонида мавсумнинг энг яхши ўйинчисига берилади.