Криштиану Роналду Килиан Мбаппе “Реал”да “Олтин тўп”ни қўлга киритишига ишонмоқда.
Фердинанд билан суҳбатда Роналду франциялик футболчининг қандай қийинчиликларга дуч келиши мумкинлигини маълум қилди.
“Очиғини айтсам, унинг учун ҳаммаси яхши бўлади, деб ўйлайман. Клуб ажойиб, кучли тузилмага эга. Уларда кўп йиллардан буён ишлаб келаётган ажойиб мураббий ва президент бор.
Менимча, у ҳеч қандай қийинчиликка дуч келмайди. У иқтидорли ва ўзи қодир бўлган ҳамма нарсани кўрсата олди. Шунинг учун у кейинги йил “Олтин тўп” соҳибига айланиши мумкин. Ундан кейинги йилларда футболчига Ҳоланд, Беллингем рақобатчилик қилиши мумкин”.
Рио Фердинанд улар қаторига Винисиусни қўшди. Роналду эса унинг фикрини тасдиқламади, инкор ҳам этмади.
“Яна Ламин Ямал. Менимча, янги авлод катта салоҳиятга эга. Ишончим комилки, унда ҳаммаси яхши бўлади”, деди Роналду ўзининг YouTube каналида Рио Фердинанд билан суҳбатда.
Маълумот учун, ҳозирги кунда Роналдунинг YouTubeъдаги канали обуначилари 60 миллионга етган.
Изоҳ (0)