Саудия Арабистонининг “Ан-Насср” клуби ва Криштиану Роналду ўртасидаги янги шартномага кўра, португалиялик футболчи жамоанинг 5 фоизлик улушига эга бўлади, деб хабар бермоқда Marca.
Аввалроқ ОАВда Роналду “Ан-Насср” билан йилига 200 миллиондан евродан кўпроқ миқдордаги маошни назарда тутувчи янги шартномага келишиб олгани ҳақида хабарлар тарқалган эди. Шартномага кўра, футболчи майдондаги ўйинлари учун тахминан 164 миллион фунт стерлинг, шунингдек, майдон ташқарисидаги фаолиятларидан яна 49 миллион фунт ишлаб топади. Бундан ташқари, унга клубнинг 5 фоиз улушига эгалик ҳуқуқи ҳам берилади. Янги келишув 2026 йилнинг июнига қадар амал қилади. Амалдаги шартнома жорий мавсум охирида якунланади.
5 февраль куни Роналду 40 ёшга тўлади. У “Ан-Насср” сафида 2023 йилнинг январь ойидан буён ўйнаб келмоқда. Шу вақт мобайнида португалийлаик футболчи Саудия клуби таркибида 90 та ўйин ўтказиб, 81 та гол уришга муваффақ бўлди. Жорий мавсумда 20 та учрашувда 17 та гол киритди.
Роналду Европа чемпиони, Португалия терма жамоаси сафидаги энг муваффақиятли футболчилардан бири, беш карра “Олтин тўп” соҳиби ва расмий ўйинларда дунё футболи тарихидаги энг яхши тўпурар ҳисобланади.
Изоҳ (0)